Иттифоқи “Тоҷикматлубот” соли 2023-юм 97,1 млн. сомонӣ даромад ба даст овардааст, ки нисбат ба соли 2022-юм 0,5 млн. сомонӣ зиёд мебошад.

Дар ин бора Хуршед Раҳмонализода, муовини раиси Раёсати Иттифоқи “Тоҷикматлубот” 6-уми феврал зимни нишасти хабарӣ иттилоъ дод.

Номбурда гуфт иттифоқ ҷиҳати захираи дусолаи маҳсулоти ғизоӣ чораҷӯӣ мекунад, аммо бояд ба назар гирифт, ки барои ин маблағи калон ва сардхонаи бузург лозим аст.

- Масалан, қисмати зиёди сабзавоту меваҷотро наметавон ба ин муддат захира кард. Вале, биринҷ, гандум, нахӯд, наск ва дигар донагиҳоро метавон нигоҳ дошт, - гуфт ӯ.

Мавсуф ҳамчунин зикр кард, ки худи сокинон низ бояд ин иқдомро дастгирӣ кунанд. Зеро “Тоҷикматлубот” наметавонад ҳамаи маблағро танҳо барои захира сарф кунад.

Амони МУҲАММАД, “ҶТ”