ҶОМЕА
Шанбе 17 Ноябр 2018 01:24
5023
Дар ноҳияи Тоҷикобод бахшида ба Соли рушди сайёҳӣ ва ҳунарҳои мардумӣ, инчунин дар сатҳи баланд истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон корҳои созандагию бунёдкорӣ вусъати тоза касб намудаанд.

Дар радифи сохтмонҳое, ки аз тарафи ҳукумати ҷумҳурӣ роҳандозӣ мешаванд, соҳибкорон низ дар пешрафту ободии ноҳия саҳми назаррас доранд. Айни ҳол сохтмони устохона дар назди муассисаи №17 ва сохтмони кӯдакистони “Парасту” идома дошта, сехи коркарди тунука ва маҳсулоти оҳанӣ дар деҳаи Шаҳристон ва коргоҳи нонпазӣ дар маркази ноҳия сохта ба истифода дода шудаанд.

Ҳамчунин, сохтмони бинои дуошёнаи шабакаи барқ дар маркази ноҳия, сохтмони бунгоҳи тиббӣ дар деҳаи Капалӣ ба анҷом расида, дар истифода қарор доранд. Бинои идораи суди ноҳия низ дар рӯзи ҷашни истиқлолият сохта, ба истифода дода шуд. Дар боғи фарҳангии маркази ноҳия корҳои сохтмонӣ ҷараён доранд. Инчунин, сохтмони синфхонаҳои иловагӣ дар назди муассисаҳои таҳсилоти миёнаи умумии №№2, 27, 42, 5 адад майдончаи варзишии замонавӣ дар маркази ҷамоатҳои деҳот, хаммом дар ҷамоати М. Шогадоев ба нақша гирифта шудаанд.

Роҳбарияти ноҳия тасмим гирифтааст, ки то ҷашни 30-солагии Истиқлолияти давлатӣ симои ноҳияро боз ҳам зеботар ва сатҳи зиндагонии сокинонро беҳтар намояд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Ноябр 2018 c.