Бо ин унвон 25 октябр дар Донишгоҳи миллии Тоҷикистон ҳамоиши омӯзгорон бахшида ба 30-солагии Иҷлосияи XVI Шурои Олии Ҷумҳурии Тоҷикистон баргузор гардид.

Дар маҳфили мазкур Шабнам Раҳимзода, муовини аввали раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Зарнигор Раҷабзода, директори КВД Маркази ҷумҳуриявии фарҳангии ҷавонон “Ориёно”, Раҳмоналӣ Шарифов, декани факултети таърихи ДМТ, омӯзгорон ва ҷавонони фаъоли Донишгоҳ ширкат варзиданд.

Нахуст, Шабнам Раҳимзода суханронӣ намуда, афзуд: “Ба ифтихори 115-солагии академик Бобоҷон Ғафуров озмуни ҷумҳуриявии ““Тоҷикон”-оинаи таърихи миллат” баргузор мегардад. Озмуни мазкур бо мақсади арҷгузорӣ ба таърихи пурифтихори миллати тоҷик, омӯзиши амиқу ҳамаҷонибаи корномаҳои шоистаи ниёгон дар тӯли таърих, тақвияти ҳисси худогоҳӣ ва худшиносии миллӣ, ифтихори ватандорӣ, таҳкими ҳофизаи таърихӣ ва ба ин васила шинохти нақши халқи куҳанбунёду фарҳангсолори тоҷик дар рушди тамаддуни инсоният, ки бо далелҳои раднопазир ва бо такя ба сарчашмаҳои илмию таърихӣ дар китоби мондагору пурарзиши академик Бобоҷон Ғафуров “Тоҷикон” ва дигар асарҳои таърихӣ инъикос ёфтааст, роҳандозӣ гардид”.

Баъд аз суханронии муовини аввали раиси КҶВ дар идомаи маҳфил Зарнигор Раҷабзода, Раҳмоналӣ Шарифов ва чанд омӯзгор маърӯзаҳои худро ироа намуданд.

Дар хотима аз аз ҷониби иштирокчиёну маърузачиён саволу ҷавобҳо дар доираи озмуни ҷумҳуриявии ““Тоҷикон”- оинаи таърихи миллат” сурат гирифт.

Таҳмина ЮСУФӢ, “ҶТ”