ҶОМЕА
Ҷумъа 22 Октябр 2021 03:44
8190
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз ҳолати нави сироятёбии коронавирус дар кишвар сахт нигарон буда, аҳолии мамлакатро ҳушдор медиҳад, то намуди нави вирусро ҷиддӣ қабул карда, бо мақсади солимии худ ва наздикон чораҳои беҳдоштиро риоя намоянд.

Дар ин бора 26 июл Ғафур Муҳсинзода, муовини вазири тандурустӣ ва ҳифзи иҷтимоии аҳолии кишвар зимни нишасти матбуотӣ ба хабарнигорон иттилоъ дод.

Ӯ қайд намуд, ки намуди нави вируси COVID-19, ки дар Тоҷикистон паҳн гаштааст, аз намуди соли пеш тафовут дошта, фаъолнокиаш нисбатан зиёд мебошад.

Ба гуфтаи муовини вазир тибқи омори ҳаррӯзаи бақайдгирии сирояти нави коронавирус дар давраи аз 21 июн то 12 июл дар ҷумҳурӣ 526 ҳолати сироят ба қайд гирифта шуда, аз ин шумора 317 нафар солим гардонида шудаанд. Аз аввали бақайдгирии сироятёбӣ дар кишвар 103 ҳолати фавт қайд шудааст.

Тибқи таҳлилҳо аз ҳисоби умумии сироятёфтагон ба шаҳри Душанбе 31 фоиз, вилояти Суғд 25 фоиз, вилояти Хатлон 26 фоиз, ноҳияҳои тобеи ҷумҳурӣ 15 фоиз ва ВМКБ 4 фоиз рост меояд.

Ғафур Муҳсинзода инчунин иброз намуд, ки ягона роҳи мубориза бо бемории коронавирус ин ба эмгузаронӣ фаро гирифтани аҳолӣ буда, тибқи нақшаи Вазорати тандурустии мамлакат то охири соли ҷорӣ 5,8 миллион нафар аҳолии мамлакат эм карда мешавад.

Исфандиёр АМАКҶОНОВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.