Дар соли 2019 кормандони ШВКД дар шаҳри Ваҳдат 5 адад яроқ, 54 дона тир, 5кг 113гр маводи нашъадорро муайян ва мусодира намудаанд.

Ин нуқтаро зимни нишасти матбуотӣ раиси шаҳри Ваҳдат Амирзода Раҳмоналӣ Амир зикр намуда, дар идома гуфт, аксарияти ин силоҳҳо ба таври ихтиёрӣ ба мақомоти ҳифзи ҳуқуқ супорида шудааст.

Ҳамчунин ӯ қайд намуд, ки натиҷаи андешидани чораҳои фаврӣ-ҷустуҷӯӣ буд, ки имсол дар қиёс ба ҳамин давраи соли гузашта ҷиноятҳои вазнин 23,3 фоиз, роҳзанӣ 100 фоиз, ғоратгарӣ 50 фоиз, қаллобӣ 33 фоиз, тамаъҷӯӣ 100 фоиз, авбошӣ 32,2 фоиз, бандитизм 100 фоиз ва дуздӣ аз хонаҳои истиқоматӣ 66,6 фоиз кам гардидааст.