ҶОМЕА
Панҷшанбе 23 Май 2024 08:39
6090
Зери ин унвон имрӯз, 20 июн, дар толори асосии мақомоти иҷроияи ҳокимияти давлатии ВМКБ бо ширкати раиси вилоят ва Шурои Ҳаракати Ваҳдати миллӣ ва эҳёи Тоҷикистон дар вилоят Ёдгор Файзов, раиси кумитаи иҷроияи Ҳаракати Ваҳдати  миллӣ  ва  эҳёи  Тоҷикистон  Мирзошоҳрух Асрорӣ ва ректори Донишгоҳи давлатии Хоруғ ба номи Моёншо Назаршоев, профессор Шермамад Ҷонмамадов конференсияи ҷумҳуриявии илмӣ – амалӣ доир шуд.

Ёдгор Файзов, раиси вилоят нахуст ҳозиринро ба ифтихори 22 – юмин солгарди Рӯзи ваҳдат табрик карда, аз ҷумла гуфт, ки ин санаи бузург барои миллати тоҷик воқеан муқаддасу гиромӣ аст, зеро маҳз дар ин рӯз халқи мо аз вартаи парокандагӣ наҷот ёфт. Ӯ афзуд: “Ба туфайли меъмори ин раванди тақдирсоз, шахсияти таърихӣ ва нобиғаи замон, Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон суботу ягонагии комил дар кишвар гиромӣ дошта шуда, самараву меваи шаҳдбори он насиби халқи биҳиштосоямон гашт.

Раиси кумитаи иҷроияи Ҳаракати Ваҳдати  миллӣ  ва  эҳёи  Тоҷикистон  М. Асрорӣ дар навбати худ қайд кард, ки Ваҳдати миллӣ дар воқеъ таҳкурсии истиқлолияти давлатӣ маҳсуб ёфта, он маҳсули хиради волои Пешвои миллат муҳтарам Эмомалӣ Раҳмон мебошад. 

Ёдовар мешавем, конференсия то 21 июн идома ёфта, дар он мавзӯъҳои “Асосҳои ҳуввияти миллӣ ва бўҳрони ҳуввиятӣ”, “Нақши Президенти Ҷумҳурии Тоҷикистон дар барқарор кардани Ваҳдати миллӣ дар кишвар”, “Нақши Ваҳдати  миллӣ дар таҳкими Истиқлолият”,“Ваҳдат – кафолати ҳастии миллат”, “Нангу номуси миллӣ -қувваи сафарбаркунанда баҳри пешрафти кишвар”, “Роҳбари ташаббускор ва пешбари миллат”, “Саҳми ҷавонони Тоҷикистон дар тарғиб ва таҳкими сулҳу ваҳдати миллӣ”, “Нақши  Эмомалӣ Раҳмон дар эҳёи фарҳанги миллӣ: Саразми бостон”,“Сулҳу Ваҳдати миллӣ заминаест баҳри пешбурди таълиму тарбия” ва ғайра ироа мешаванд.    

01.jpg

Эзоҳи худро нависед



Рамзҳо дар расм