Бахшида ба 33- солагии Истиқлолияти давлатӣ аз тарафи кормандони Бахши кор бо ҷавонон ва варзиши ноҳияи Ванҷи ВМКБ бо наврасони Муассисаи давлати мактабаи варзиши ноҳия мулоқот баргузор гардид.

Дар ин бора аз Бахши кор бо ҷавонон ва варзиши ноҳияи Ванҷ иттилоъ доданд.

Нахуст масъулин аз дастовардаҳои соҳаи варзиши кишвар дар давраи соҳибистиқлолӣ, ёдовар шуда, иброз намуданд, ки имрӯз варзиш дар кишвари мо ба яке аз самтҳои афзалиятноки сиёсати иҷтимоии Ҳукумати Тоҷикистон табдил ёфта, масъулини соҳа наврасонро ба варзиш ҷалб намуда, барои машғул гардидан ба он тамоми шароит фароҳам оварда истодаанд.

Ҳамзамон гуфта шуд, ки ҳар яки мову шумо бояд аз ин ғамхориҳои пайвастаи Ҳукумати кишвар самаранок истифода бурда, Парчами давлатро дар арсаи байналмилалӣ парафшон кунем.

Наҷиба МУРОДБЕКОВА, “ҶТ”