Дар ноҳияи Ванҷ вобаста ба шарҳи тағйиру иловаҳо ба Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” кормандони Бахши кор бо ҷавонон ва варзиши ноҳия ва сохторҳои маҳаллӣ бо сокинони Ҷамоати деҳоти Язғулом мулоқот намуданд.

Дар вохӯрӣ Масрур Ғайратов, мудири Бахш, Валиҷон Маҳмадуллоев, раиси Ҷамоати деҳоти Язғулом, Додихудо Эркаев, мудири Бахши оид ба корҳои дин, танзими анъана ва ҷашну маросимҳои миллӣ баромад карда, моҳияти тағйиру иловаҳоро ба сокинон фаҳмонданд.

Масрур Ғайратов иброз намуд, ки лоиҳаи қонуни миллӣ бо назардошти ҳимояи манфиатҳои аҳолии мамлакат ва пешгирӣ кардани ҳар гуна сарфакориҳо таҳия гардида, дар умум ояндаи нек дорад.

Сокинони Ҷамоати деҳоти Язғулом шарҳи ҳар як банду нишондодҳои қонунро бо хушнудӣ пазируфта, ба гурӯҳи тарғиботӣ ваъда доданд, ки минбаъд дар асоси он амал мекунанд.
Дар назар аст, ки чунин суҳбату мулоқотҳо дар дигар ҷамоатҳои деҳоти ноҳия низ баргузор карда мешавад.