Бино ба иттилои Музаффар Ашуриëн, вазири адлияи кишвар дар нимсолаи аввали соли 2022 дар ҷумҳурӣ сабти ақди никоҳ кам ва сабти бекоркунии ақди никоҳ нисбатан зиëд шудааст.
   
Номбурда яке аз сабабҳои афзоиши азҳампошии оилаҳоро дар надоштани саводи кофии ҳуқуқии ҷавонон арзëбӣ намуд.

-Сабти ақди никоҳ дар шаш моҳи соли равон 30 266 ададро ташкил намуд, ки ин нисбат ба ҳамин давраи соли гузашта (2021-32 489) 7 фоиз кам мебошад. Сабти бекоркунии ақди никоҳ дар нимсола 7265 ададро ташкил мекунад, ки ин нисбати шашмоҳаи аввали соли гузашта (2021- 6476) 12 фоиз зиëд мебошад, - гуфт М. Ашуриëн.