ҶОМЕА
Якшанбе 11 Апрел 2021 09:25
6087
Зери ин унвон имрӯз, 20 июн, дар толори Агентии миллии иттилоотии Тоҷикистон “Ховар” Конференсияи ҷумҳуриявии илмию амалӣ бахшида ба Рӯзи Ваҳдати миллӣ, “Солҳои рушди деҳот, сайёҳӣ ва ҳунарҳои мардумӣ” ва 10-солагии Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” доир гардид.

Дар конфронс олимону забоншиносон, намояндагони Ҳукумати кишвар, вазорату идораҳои давлатӣ ва ВАО иштирок намуда, перомуни забони давлатӣ ибрози назар намуданд.

Гавҳар Шарофзода, раиси Кумитаи забон ва истилоҳоти назди Ҳукумати кишвар зимни ифтитоҳи конфронс ҳозиринро барои ташрифашон таҳният гуфта, сипас оиди саҳми Асосгузори сулҳу ваҳдати милли-Пешвои миллат, муҳтарам Эмомалӣ Раҳмон дар поку беолоиш нигоҳ доштан ва пойдории забони давлатӣ суханронӣ намуд.

Номбурда таъкид дошт, ки забони давлатӣ яке аз рукнҳои асосии давлатдорӣ буда, дар пойдорӣ ва таҳкими давлати миллӣ мақом ва нақши муҳим дорад. Дар самти пойдории он саҳми рӯзноманигорон басо бузург буда, бояд онҳо ҳамеша таҳкимбахши он бошанд. Чуноне дар ин росто Президенти кишвар муҳтарам Эмомалӣ Раҳмон фармудаанд: -Аҳли қалам ва рӯзноманигорон худашон бояд дар масъалаи риояи қонун дар бораи забон, тозагии он ва рушди забони ширин ва шоиронаву шевои тоҷикӣ намунаи ибрати дигарон бошанд. Ба андешаи ман, ин яке аз рисолаҳои касбӣ ва қарзи шаҳрвандии рӯзноманигорон маҳсуб мешавад.

Баъдан Сайфиддин Назарзода, узви вобастаи АИҶТ дар мавзуи “Матбуот оинаи забон” маъруза намуда, иброз дошт, ки воситаҳои ахбори омма дар баробари шоирону нависандагон ва забоншиносон тарғибкунанда ва муаррификунандаи забони давлатии ҳар кишвар мебошад. Дар Тоҷикистони мо низ забони ВАО забони давлатӣ, яъне тоҷикист. Беғалат ва равшану возеҳ пахш ва чопи матолиби рӯзноманигорон метавонад, ба инкишоф ва тозагии забон боис гардад. 

Баҳриддин Камолиддинов, забоншиноси  тоҷик зимни баромади хеш таъкид намуд, муҳиммияти конфронси имрӯза дар он аст, ки намояндагони ВАО бевосита иштирок доранд. Дар конфронсҳои пеш эродҳои мо ба гӯши онҳо махсусан радио ва телевизион намерасид. Эродҳои гирифтаи мо ислоҳ намешуд. Забон моли миллат аст. Ҳифзи забони модарӣ вазифаи танҳо забоншиносон нест. Хуб мешуд, ки дар баробари рӯзноманигорон шоирону нависандагони кишвар хам даъват мешуданд. Зеро онҳо бештар нозукиҳои забони моро медонанд.

Дар идомаи маърузаи худ Б. Камолиддинов аз бемаврид ва такрор истифода шудани калимаҳо, истифодаи бемавқеи аломатҳои китобат, ғалатҳои ҷумлабандӣ дар забони радио ва телевизиор, тарҷумаи нодурусти ислоҳот аз забонҳои дигар бо мисолҳои мушаххас ёдовар шуданд.

Иштирокчиёни дигар дар мавзуъҳои “Вазъи забони матбуоти маҳаллӣ”, “Устод Айнӣ ва забони зинда”, “Баъзе масъалаҳои матбуоти имрӯз” ва “Меъёрҳои адабӣ ва забони расонаҳои хабарӣ” маъруза намуданд.

Дар интиҳо музокира ва суолу ҷавоб сурат гирифта, гуфта шуд, ки намояндагони васоити ахбори омма ва аҳли ҷомеаро мебояд баҳри пешбурди сиёсати давлат оид ба забони давлатӣ ҳамчун забони миллӣ саҳми арзандаи худро гузоранд.

04.jpg01.jpg

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.