Ба Вазорати адлия ва сохторҳои он дар нимсолаи аввали соли ҷорӣ 26191 мавод вобаста ба масъалаҳои ҳуқуқӣ ворид гардидааст, ки ин нисбат ба ҳамин давраи соли гузашта 1696 мавод кам аст.

Дар ин бора имрӯз Музаффар Ашуриëн, вазири адлияи кишвар ҳангоми нишасти хабарӣ иттилоъ дода, дар идома гуфт, дар ин давра бо мақсади бартараф намудани ихтилофу норасоиҳо дар санадҳои меъëрии ҳуқуқӣ 4 лоиҳаи қонун ва 3 лоиҳаи қарори Ҳукумати Ҷумҳурии Тоҷикистон таҳия гардид.

Ҳамзамон гуфта шуд, ки аз 123 санади барои санҷиш ва бақайдгирии давлатӣ воридгардида, 69 то ба қайд гирифта шуда, 39 санад бинобар ба қонунгузории давлатӣ мухолифат доштан, рад карда шуда, 15 санади боқимонда мавриди баррасӣ карор дорад.