ҶОМЕА
Якшанбе 14 Июл 2024 01:16
8894
Дар шаш моҳи аввали соли 2022 Вазорати меҳнат, муҳоҷират ва шуғли аҳолии Ҷумҳурии Тоҷикистон ба 32 ҳазору 409 нафар расман мақоми бекорӣ додааст.

Дар ин бора Ширин Амонзода, вазири меҳнат, муҳоҷират ва шуғли аҳолии кишвар зимни нишасти матбуотӣ иттилоъ дод.

Ӯ гуфт, дар давраи ҳисоботӣ ба мақомоти меҳнат ва шуғли аҳолӣ 74 ҳазору 745 нафар муроҷиат намудаанд, ки 54 ҳазору 309 нафари онҳо ҳамчун корҷӯ ба қайд гирифта шуда, ба 32 ҳазору 409 нафар расман мақоми бекорӣ дода шуд.

Ҳамзамон Амонзода зикр кард, барномаҳоеро рӯи даст гирифтаанд, ки барои таъмини ҷойҳои корӣ мусоидат мекунад.

- Дар натиҷаи татбиқи чорабиниҳои Барномаи давлатии мусоидат ба шуғли аҳолӣ барои солҳои 2020-2022, дар маҷмӯъ, 36 ҳазору 410 нафар, аз ҷумла, дар ҷойҳои кории бандшуда (квотаҳо) 4031 нафар тавассути ташкили корҳои фардӣ 1613 нафар бо ҷойи корӣ таъмин гардида, дар асоси 144 шартномаи тарафайн ба корхонаву ташкилотҳо 3947 нафар ба корҳои ҷамъиятӣ ва 11 ҳазору 365 нафар тибқи роҳхатҳои мақомоти меҳнат ва шуғли аҳолӣ дар марказҳои таълимии касбии системаи Агентии меҳнат ва шуғли аҳолӣ ва омӯзиши касбӣ фаро гирифта шуданд, - илова кард вазир.

Таъкид гардид, ки дар ин давра тавассути мақомоти меҳнат ва шуғли аҳолӣ дар маҷмӯъ, 426 ярмаркаи ҷойҳои кории холӣ ва вазифаҳои озод, аз ҷумла, дар ВМКБ-33, вилояти Хатлон -171, вилояти Суғд – 129, шаҳри Душанбе-18 ва дар шаҳру ноҳияҳои тобеки ҷумҳурӣ 75 адад ташкил ва гузаронида шуданд.

Эзоҳи худро нависед



Рамзҳо дар расм