“То имрӯз мо 46 донишҷӯи тоҷикро аз Ҷумҳурии Мардумии Чин ба ватан баргардонидем. Бояд гуфт, ки айни замон 7 нафар бо сабаби ҳарорати баланд доштан, дар он ҷо нигоҳбин карда мешаванд ва зери назорати қатъии табибони чинӣ қарор дошта, дар ҳоли ҳозир ҳолати саломатии онҳо хуб арзёбӣ мешавад”.

Ин нуктаро Сироҷиддин Муҳриддин, вазири корҳои хориҷии кишвар 17 феврал зимни нишасти хабарӣ ба доираи ВАО-и ватанию хориҷӣ баён намуд.
  
Дар нишасти мазкур ҳамчунин таъкид гардид, ки 3 нафар шаҳрвандони ҷумҳурӣ аз кишвари Чин худашон аз омадан ба Тоҷикистон даст кашиданд.

Бояд гуфт, ки дар кишвари мазкур 3500 нафар тоҷик зиндагӣ ва таҳсил мекарданд.