ҶОМЕА
Якшанбе 21 Апрел 2024 06:52
7820
Тибқи нақшаи тадриҷан ва марҳила ба марҳила бо роҳҳои ҳавоӣ ва заминӣ ба Ватан баргардонидани шаҳрвандоне, ки бо иллати ҳамагири Ковид-19 дар хориҷа дармонда буданд, то охири соли сипаришуда беш аз 150 ҳазор шаҳрванди Ҷумҳурии Тоҷикистон аз кишварҳои гуногуни ҷаҳон ба Ватан баргардонида шуданд, - гуфт зимни нишасти матбуотӣ Вазири корҳои хориҷии Ҷумҳурии Тоҷикистон Сироҷиддин Муҳриддин. – Аз 20 март то охири сол беш аз 600 парвози чартерии ширкатҳои ҳавопаймоии Тоҷикистон барои баргардонидани шаҳрвандони мо аз Русия сурат гирифт.

Зикр гардид, ки дар ин давра нисбати шаҳрвандони хориҷӣ ва шахсони бешаҳрвандӣ як қатор кумаку сабукиҳо таъин гардид, ки тамдиди муҳлати раводид то ба эътидол омадани вазъи эпидемиологӣ ва татбиқ накардани ҷарима барои риоя нагардидани қоидаҳои будубош аз зумраи онҳо мебошанд.

Ҳамчунин таъкид гардид, ки бо вуҷуди вазъи душвори беҳдоштию эпидемиологӣ ҳамкориҳои дуҷониба ва бисёрҷонибаи Ҷумҳурии Тоҷикистон бо кишварҳои шарик ва созмонҳои байналмилаливу минтақавӣ густариш ёфт. Аз ҷумла, моҳи сентябр дар мубоҳисаҳои умумии Иҷлосияи 75-уми Маҷмаи Умумии Созмони Милали Муттаҳид, ки ба таври видеоконфронс сурат гирифт, Президенти кишвар муҳтарам Эмомалӣ Раҳмон тасмими Тоҷикистонро ҷиҳати касби узвияти ғайридоимӣ дар Шӯрои амнияти СММ барои солҳои 2028-2029 эълон намуданд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.