ҶОМЕА
Шанбе 09 Ноябр 2024 09:30
Ҷавонони сарбаланди Тоҷикистон, минҷумла Бадахшон чун идомадиҳандагони ормонҳои дерини аҷдодӣ, парчамбардорони миллат ва пайравони кору пайкори Пешвои миллат, бо тамоми ҳастии хеш эҳсос менамоянд, ки дӯст доштани Ватан, ифтихор кардан аз он ва барои ҳифзу ҳимояи он омода будан, арзишҳое мебошанд, ки танҳо ба воситаи он мо метавонем кишвари ободу пешрафта ва пуриқтидор бунёд намоем.
Боиси хурсандист, ки ҷавонони мо бо дарки масъулият дар назди Ватану миллат на танҳо дар ҳамаи чорабиниҳои сиёсӣ фаъолона ширкат меварзанд, балки худ низ дар амалӣ намудани сиёсати созанда ба симмати хизматчии давлатӣ фаъолият дошта, дар ҳама сатҳҳои ҳокимияти намояндагӣ даҳҳо вакил аз шумори ҷавонон мебошанд.
Зимнан месазад, ки мо суханони таҳсиномези Президенти мамлакат муҳтарам Эмомалӣ Раҳмонро нисбати ҷавонони ғаюри кишвар иқтибос орем, ки гуфтаанд: “Мо ба ҷавонони бонангу номуси худ ва ба эҳсоси гарми ватандӯстии онҳо боварии бузург дорем, бо онҳо ифтихор мекунем, зеро онҳо воқеан ояндаи неки Ватан ва идомадиҳандаи кору фаъолияти созандаи мо ҳастанд”.
Маврид ба зикр аст, ки дар ҷомеаи имрӯза дар пешбурди соҳаҳои мухталифи иқтисоди миллӣ мавқеи ҷавонон басо муҳим аст, чунки ин қишри ҷомеа дорои афкори тозаю нав буда, истифодаи васеи технологияи муосирро дар ҳамаи соҳаҳои хоҷагии халқ метавонад ба хубӣ таъмин созад. Айни замон дар самти соҳибкории истеҳсолӣ дар вилоят ҷавонони соҳибистеъдод, бо истифода аз имкониятҳои воқеӣ ва дар заминаи дастгириҳои бесобиқаи ҳукумати кишвар, саъй доранд, ки бо дастгирии мақомоти маҳаллии ҳокимияти давлатӣ ва шарикони рушд корхонаву коргоҳҳои нав таъсис дода, на танҳо манфиат ба даст оранд, балки дар самти коҳиш додани бекорӣ ва баланд бардоштани сатҳи некӯаҳволии мардум саҳмгузор бошанд.
Ҷиҳати дастгирӣ ва ҳавасмандгардонии ҷавонон дар давоми солҳои соҳибистиқлолии кишвар як қатор имтиёзҳо, аз қабили Стипендияи президентӣ, Квотаи президентӣ, грантҳои президентӣ барои ташкилотҳои ҷамъиятӣ дар бахши тарбияи ватанпарастии ҷавонон рӯи кор оварда шуда, ҷалби ҷавонони лаёқатманд ба идоракунии давлатӣ ва пешбарии онҳо ба мансабҳои роҳбарикунанда чун зуҳуроти ғамхории пайвастаи Ҳукумати мамлакат идома дорад. Бунёди муассисаҳои типи нав дар шаҳру навоҳии вилоят барои хонандагони болаёқат, бо шуғли доимӣ таъмин намудани ҷавонон, ташкили корхонаҳои хурди саноатӣ, рушди соҳибкории хурду миёна ва ба ин васила бо шуғл таъмин намудани ҷавонон иқдоми наҷиби Ҳукумати кишвар аст, ки баҳри пешгирии гароиши ҷавонон ба ҳаракату амалҳои номатлуб мусоидат мекунад.
Дар кишвари мо ҳамасола нисфи маблағҳои буҷети давлатӣ, ки барои соҳаи иҷтимоӣ пешбинӣ мегарданд, ба соҳаи маориф равона карда мешаванд. Таъсиси Маркази миллии тестӣ, Квотаи президентӣ барои хонандагони манотиқи дурдасти кишвар, стипендияи “Дурахшандагон” барои донишҷӯёни болаёқат бобати таҳсил дар хориҷи кишвар, 20-солаи омӯзиш ва рушди илмҳои табиӣ, дақиқ ва риёзӣ, баргузор намудани озмунҳои ҷумҳуриявии “Фурӯғи субҳи доноӣ китоб аст”, “Илм-фурӯғи маърифат”, “Навоварону ихтироъкорон” ва дигар озмунҳои зеҳнию илмӣ ба он далолат менамоянд, ки пешрафту тараққиёт маҳз ба равнақи илм вобастагии зич дорад.
Солҳои қаблӣ дар миқёси вилоят ҳамагӣ 8 хонанда - гирандаи стипендияи президентӣ буда, маблағи он барои як нафар 200 сомониро ташкил медод. Маҳз бо дастгирии Пешвои муззами миллат муҳтарам Эмомалӣ Раҳмон ва пешрафти иқтисодиёти кишвар теъдоди гирандагони Стипендияи президентӣ ҳам дар сатҳи кишвар ва ҳам миқёси вилоят мунтазам зиёд гардид. Аз моҳи сентябри соли 2021 теъдоди гирандагони Стипендияи президентӣ аз 400 ба 3000 нафар ва маблағи он ба 500 сомонӣ расонида шуд. Дар шаҳру ноҳияҳои ВМКБ бошад аз соли 2021 то инҷониб теъдоди гирандагони стипендияи президентӣ ба 81 нафар расонида шуд. Дар баробари ин, барои 11 нафар хонандаи МТМУ стипендияи раиси вилоят ба ва 21 нафар толибилм стипендияи раисони шаҳру ноҳияҳо муқаррар гардид.
Воқеан ҳифзи сарзамини аҷдодӣ ва дастоварду ҳаёти осоиштаи мардум яке аз рукнҳои асосии давлатдорӣ маҳсуб меёбад. Бо ба ҷо овардани хизмати ҳарбӣ ҷавонони кишвар сулҳу субот, амнияти давлату ҷомеа, рӯзгори мардум ва соҳибистиқлолии ватани маҳбубамонро таъмин намуда, вазифаи шаҳрвандӣ ва қарзи фарзандиашонро дар назди Модар - Ватан иҷро мекунанд. Хизмат дар сафи Қувваҳои Мусаллаҳ ва ҳифзи Ватан барои ҳар як ҷавон мактаби бузурги ҳаёт, ҷасорату мардонагӣ ва далерию шуҷоат ба ҳисоб меравад. Ифтихорманду сарфарозем, ки имрӯз аксари ҷавононамон ба хизмати ҳарбӣ ба таври ихтиёрӣ, бо дарки масъулияти фарзандӣ ва ватандӯстӣ баҳри иҷрои вазифаҳои конститутсионию ҷавонмардӣ ҳозир мешаванд. Ҷавонони имрӯза ба ҳамон аҳди анъанавии ҷавонмардонаи хеш содиқ монда, бо хизмат дар сафи Қувваҳои Мусаллаҳ аз мактаби бузурги ҳаёт, ҷасорату мардонагӣ ва далерию шуҷоат мегузаранд.
Дар Паёми навбатии худ Пешвои муаззами миллат муҳтарам Эмомалӣ Раҳмон зикр намуданд, ки “Ҷавонони мо дар тамоми рушди соҳаҳои иқтисодию иҷтимоии кишвар саҳми бисёр арзишманд гузошта, нақши онҳо аз иштирок дар бунёди иншооти азими мамлакат то хизмати содиқона дар сафи Қувваҳои Мусаллаҳ, ҳифзи сарҳади давлатӣ, субботу оромии давлат, ва ҳаёти осоиштаи мардуми Тоҷикистон арзандаи таҳсин ва боиси ифтихори ҳар яки мо мебошад”.
Сол аз сол шароит дар хизмат барои сарбозон дар ҷузъу томҳои Қувваҳои Мусаллаҳ беҳтар гардида, инфрасохтори наву замонавӣ бо тамоми шароитҳои лозима сохта шуда истодаанд. Мо ҳама шоҳиди ҳолем, ки зимни сафарҳои кории худ ба шаҳру ноҳияҳои мамлакат Пешвои муаззами миллат ҳатман аз қисмҳои низомӣ боздид ба амал меорад, ки ин далели таваҷҷуҳ ва ғамхории Роҳбари давлат нисбати хизматчиёни ҳарбӣ, бахусус сарбозон мебошад. Мо ифтихор аз он дорем, ки шаҳру ноҳияҳои вилоят нақшаи даъватро дар рӯзи аввал иҷро менамоянд. Ин анъанаи нек дар маъракаи имсола низ риоя гардид ва итминони комил дорем, ки он минбаъд низ идома хоҳад ёфт. Чунин масъулиятшиносӣ ва ҳуввияти баланди, ҷавонони вилоят, борҳо аз ҷониби роҳбарияти олии мамлакат баҳои сазовор гирифт.
Имрӯз вазъи печидаи ҷаҳон ва минтақа, бахусус, амалҳои ҷинояткоронаи террористону экстремистон ва баъзе гурӯҳу созмонҳои бадхоҳ ба осоишу амниятамон таҳдид менамоянд. Аз ин лиҳоз, вазъи печидаву зудтағйирёбандаи ҳарбӣ – сиёсии ҷаҳону минатақа моро водор месозад, ки баҳри ҳифзи Ватан, таъмини сулҳу субот, амнияти давлату ҷомеа ва меҳнати созандаву зиндагии шоистаи худамон ҳамеша ҳушёру омода бошем.
Ба ҷавонони ғаюру далер, дар роҳи адои қарзи шаҳрвандӣ дар назди Ватан-Модар, татбиқи сиёсати созандаи давлат, таҳкими тарзи ҳаёти солим, рушду пешрафт бурдборию комёбӣ ва барои Тоҷикистони азиз сулҳу суботи абадӣ ва гулгулшукуфоии доимиро орзу менамоям!
Мирзонабот Алишер Худобердӣ, раиси ВМКБ
Боиси хурсандист, ки ҷавонони мо бо дарки масъулият дар назди Ватану миллат на танҳо дар ҳамаи чорабиниҳои сиёсӣ фаъолона ширкат меварзанд, балки худ низ дар амалӣ намудани сиёсати созанда ба симмати хизматчии давлатӣ фаъолият дошта, дар ҳама сатҳҳои ҳокимияти намояндагӣ даҳҳо вакил аз шумори ҷавонон мебошанд.
Зимнан месазад, ки мо суханони таҳсиномези Президенти мамлакат муҳтарам Эмомалӣ Раҳмонро нисбати ҷавонони ғаюри кишвар иқтибос орем, ки гуфтаанд: “Мо ба ҷавонони бонангу номуси худ ва ба эҳсоси гарми ватандӯстии онҳо боварии бузург дорем, бо онҳо ифтихор мекунем, зеро онҳо воқеан ояндаи неки Ватан ва идомадиҳандаи кору фаъолияти созандаи мо ҳастанд”.
Маврид ба зикр аст, ки дар ҷомеаи имрӯза дар пешбурди соҳаҳои мухталифи иқтисоди миллӣ мавқеи ҷавонон басо муҳим аст, чунки ин қишри ҷомеа дорои афкори тозаю нав буда, истифодаи васеи технологияи муосирро дар ҳамаи соҳаҳои хоҷагии халқ метавонад ба хубӣ таъмин созад. Айни замон дар самти соҳибкории истеҳсолӣ дар вилоят ҷавонони соҳибистеъдод, бо истифода аз имкониятҳои воқеӣ ва дар заминаи дастгириҳои бесобиқаи ҳукумати кишвар, саъй доранд, ки бо дастгирии мақомоти маҳаллии ҳокимияти давлатӣ ва шарикони рушд корхонаву коргоҳҳои нав таъсис дода, на танҳо манфиат ба даст оранд, балки дар самти коҳиш додани бекорӣ ва баланд бардоштани сатҳи некӯаҳволии мардум саҳмгузор бошанд.
Ҷиҳати дастгирӣ ва ҳавасмандгардонии ҷавонон дар давоми солҳои соҳибистиқлолии кишвар як қатор имтиёзҳо, аз қабили Стипендияи президентӣ, Квотаи президентӣ, грантҳои президентӣ барои ташкилотҳои ҷамъиятӣ дар бахши тарбияи ватанпарастии ҷавонон рӯи кор оварда шуда, ҷалби ҷавонони лаёқатманд ба идоракунии давлатӣ ва пешбарии онҳо ба мансабҳои роҳбарикунанда чун зуҳуроти ғамхории пайвастаи Ҳукумати мамлакат идома дорад. Бунёди муассисаҳои типи нав дар шаҳру навоҳии вилоят барои хонандагони болаёқат, бо шуғли доимӣ таъмин намудани ҷавонон, ташкили корхонаҳои хурди саноатӣ, рушди соҳибкории хурду миёна ва ба ин васила бо шуғл таъмин намудани ҷавонон иқдоми наҷиби Ҳукумати кишвар аст, ки баҳри пешгирии гароиши ҷавонон ба ҳаракату амалҳои номатлуб мусоидат мекунад.
Дар кишвари мо ҳамасола нисфи маблағҳои буҷети давлатӣ, ки барои соҳаи иҷтимоӣ пешбинӣ мегарданд, ба соҳаи маориф равона карда мешаванд. Таъсиси Маркази миллии тестӣ, Квотаи президентӣ барои хонандагони манотиқи дурдасти кишвар, стипендияи “Дурахшандагон” барои донишҷӯёни болаёқат бобати таҳсил дар хориҷи кишвар, 20-солаи омӯзиш ва рушди илмҳои табиӣ, дақиқ ва риёзӣ, баргузор намудани озмунҳои ҷумҳуриявии “Фурӯғи субҳи доноӣ китоб аст”, “Илм-фурӯғи маърифат”, “Навоварону ихтироъкорон” ва дигар озмунҳои зеҳнию илмӣ ба он далолат менамоянд, ки пешрафту тараққиёт маҳз ба равнақи илм вобастагии зич дорад.
Солҳои қаблӣ дар миқёси вилоят ҳамагӣ 8 хонанда - гирандаи стипендияи президентӣ буда, маблағи он барои як нафар 200 сомониро ташкил медод. Маҳз бо дастгирии Пешвои муззами миллат муҳтарам Эмомалӣ Раҳмон ва пешрафти иқтисодиёти кишвар теъдоди гирандагони Стипендияи президентӣ ҳам дар сатҳи кишвар ва ҳам миқёси вилоят мунтазам зиёд гардид. Аз моҳи сентябри соли 2021 теъдоди гирандагони Стипендияи президентӣ аз 400 ба 3000 нафар ва маблағи он ба 500 сомонӣ расонида шуд. Дар шаҳру ноҳияҳои ВМКБ бошад аз соли 2021 то инҷониб теъдоди гирандагони стипендияи президентӣ ба 81 нафар расонида шуд. Дар баробари ин, барои 11 нафар хонандаи МТМУ стипендияи раиси вилоят ба ва 21 нафар толибилм стипендияи раисони шаҳру ноҳияҳо муқаррар гардид.
Воқеан ҳифзи сарзамини аҷдодӣ ва дастоварду ҳаёти осоиштаи мардум яке аз рукнҳои асосии давлатдорӣ маҳсуб меёбад. Бо ба ҷо овардани хизмати ҳарбӣ ҷавонони кишвар сулҳу субот, амнияти давлату ҷомеа, рӯзгори мардум ва соҳибистиқлолии ватани маҳбубамонро таъмин намуда, вазифаи шаҳрвандӣ ва қарзи фарзандиашонро дар назди Модар - Ватан иҷро мекунанд. Хизмат дар сафи Қувваҳои Мусаллаҳ ва ҳифзи Ватан барои ҳар як ҷавон мактаби бузурги ҳаёт, ҷасорату мардонагӣ ва далерию шуҷоат ба ҳисоб меравад. Ифтихорманду сарфарозем, ки имрӯз аксари ҷавононамон ба хизмати ҳарбӣ ба таври ихтиёрӣ, бо дарки масъулияти фарзандӣ ва ватандӯстӣ баҳри иҷрои вазифаҳои конститутсионию ҷавонмардӣ ҳозир мешаванд. Ҷавонони имрӯза ба ҳамон аҳди анъанавии ҷавонмардонаи хеш содиқ монда, бо хизмат дар сафи Қувваҳои Мусаллаҳ аз мактаби бузурги ҳаёт, ҷасорату мардонагӣ ва далерию шуҷоат мегузаранд.
Дар Паёми навбатии худ Пешвои муаззами миллат муҳтарам Эмомалӣ Раҳмон зикр намуданд, ки “Ҷавонони мо дар тамоми рушди соҳаҳои иқтисодию иҷтимоии кишвар саҳми бисёр арзишманд гузошта, нақши онҳо аз иштирок дар бунёди иншооти азими мамлакат то хизмати содиқона дар сафи Қувваҳои Мусаллаҳ, ҳифзи сарҳади давлатӣ, субботу оромии давлат, ва ҳаёти осоиштаи мардуми Тоҷикистон арзандаи таҳсин ва боиси ифтихори ҳар яки мо мебошад”.
Сол аз сол шароит дар хизмат барои сарбозон дар ҷузъу томҳои Қувваҳои Мусаллаҳ беҳтар гардида, инфрасохтори наву замонавӣ бо тамоми шароитҳои лозима сохта шуда истодаанд. Мо ҳама шоҳиди ҳолем, ки зимни сафарҳои кории худ ба шаҳру ноҳияҳои мамлакат Пешвои муаззами миллат ҳатман аз қисмҳои низомӣ боздид ба амал меорад, ки ин далели таваҷҷуҳ ва ғамхории Роҳбари давлат нисбати хизматчиёни ҳарбӣ, бахусус сарбозон мебошад. Мо ифтихор аз он дорем, ки шаҳру ноҳияҳои вилоят нақшаи даъватро дар рӯзи аввал иҷро менамоянд. Ин анъанаи нек дар маъракаи имсола низ риоя гардид ва итминони комил дорем, ки он минбаъд низ идома хоҳад ёфт. Чунин масъулиятшиносӣ ва ҳуввияти баланди, ҷавонони вилоят, борҳо аз ҷониби роҳбарияти олии мамлакат баҳои сазовор гирифт.
Имрӯз вазъи печидаи ҷаҳон ва минтақа, бахусус, амалҳои ҷинояткоронаи террористону экстремистон ва баъзе гурӯҳу созмонҳои бадхоҳ ба осоишу амниятамон таҳдид менамоянд. Аз ин лиҳоз, вазъи печидаву зудтағйирёбандаи ҳарбӣ – сиёсии ҷаҳону минатақа моро водор месозад, ки баҳри ҳифзи Ватан, таъмини сулҳу субот, амнияти давлату ҷомеа ва меҳнати созандаву зиндагии шоистаи худамон ҳамеша ҳушёру омода бошем.
Ба ҷавонони ғаюру далер, дар роҳи адои қарзи шаҳрвандӣ дар назди Ватан-Модар, татбиқи сиёсати созандаи давлат, таҳкими тарзи ҳаёти солим, рушду пешрафт бурдборию комёбӣ ва барои Тоҷикистони азиз сулҳу суботи абадӣ ва гулгулшукуфоии доимиро орзу менамоям!
Мирзонабот Алишер Худобердӣ, раиси ВМКБ
Хабарҳои дигар
Рӯзнома
Эзоҳи худро нависед