ҶОМЕА
Душанбе 15 Апрел 2024 06:11
8530
Ба ҳолати моҳи январи соли 2022 дар шаҳру ноҳияҳои Вилояти Мухтори Кӯҳистони Бадахшон 1003 иншооти таъиноти гуногун ба маблағи 963 миллиону 877 ҳазор сомонӣ мавриди баҳрабардорӣ қарор гирифт, ки ин 110 фоизи нақшаро ташкил медиҳад.

Дар ин бора Мирзозода Низом Юсуфӣ, муовини якуми раиси вилоят зимни ҷаласаи ҷамъбастии Мақомоти иҷроияи ҳокимияти давлатии ВМКБ иттилоъ дода, ҳамзамон гуфт, ки феълан сохтмони 100 иншооти дигар дар вилоят бомаром идома дорад.

- Давоми се соли охир дар сохтмони иншооти нави ҳудуди вилоят 1767 ҷойи нави кории доимӣ ташкил гашта, хосса дар доираи сафари кории Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моҳи сентябри соли 2021 ба шаҳру ноҳияҳои вилоят як қатор иншооти аҳамияти иҷтимоиву иқтисодидошта, аз ҷумла дар ноҳияи Дарвоз се корхонаи саноатӣ – корхонаи банду басти маҳсулоти хўроквории ҶДММ “Таҷ-эт” бо 24 ҷойи корӣ, корхонаи истеҳсоли қубур ва тирезаи пластикии ҶДММ “Карон пласт” бо 30 ҷойи корӣ ва корхонаи коркарди меваю сабзавоти ҶДММ “Меваҳои Бадахшон” бо 20 ҷойи корӣ, бинои маркази адлия ва майдончаи варзишӣ, қисмати шоҳроҳи Кўлоб Хоруғ - Кулма - Чин то маркази ноҳияи Дарвоз ба масофаи 26 км, дар ноҳия Роштқалъа биноҳои маркази адлия, нозироти андоз, майдони Парчами давлатӣ, маркази хизматрасонӣ ва хати оби нўшокӣ мавриди истифода қарор дода шуданд, - иброз намуд, муовини якуми раиси ВМКБ.

Ба таъкиди номбурда, ҷиҳати таъмиру азнавсозии роҳҳо дар давраи соҳибистиқлолӣ дар қаламрави вилоят тавассути сармоягузории шарикони рушд ва Ҳукумати мамлакат 204,6 млн доллар аз худ гардида, тибқи дурнамои рушди иқтисоди вилоят ҷалб намудани 323,6 млн доллар барои азнавсозии роҳҳо дар назар дошта шудааст. Лоиҳаи калонтарин ин сохтмони роҳи автомобилгарди Қалъаи Хумб - Ванҷ – дарвозаи Рўшон, ки маблағи 226,3 млн долларро ташкил дода, сохтмони 93 км роҳ, 15 пул, 2 нақб ва 5 долони зиддитарма амалӣ хоҳанд шуд.

Инчунин, сохтмони кўпрук дар маҳаллаи Селхозтехника ба дарозии 200 м ва таҷдиди роҳи автомобилгард дар мавзеи Барсеми ноҳияи Шуғнон ба дарозии 3,5 км бо назардошти сохтмони 670 м долонҳои зиддитармавӣ ба нақша гирифта шудааст. Корҳои сохтмонӣ дар 17 пул дар ноҳияҳои Дарвоз, Ванҷ, Рўшон ва Мурғоб оғоз гардида, ба ҳолати имрўза иҷроиши корҳо 64 фоизи нақшаи сохтмониро ташкил медиҳад. Ҳамзамон, оид ба бунёди маҳаллаи аҳолинишини мавзеи Теми Поёни шаҳри Хоруғ, ки фармоишгар Дирексияи сохтмони иншоотҳои ҳукуматии Дастгоҳи иҷроияи Президенти Ҷумҳурии Тоҷикистон мебошад, мувофиқ ба нақшаи муфассали маҳал тибқи нақшаи генералӣ то ба имрўз зиёда аз 20 млн сомонӣ корҳои сохтмонӣ ба анҷом расонида шудааст.

- Мақомоти иҷроияи ҳокимияти давлатии ВМКБ бодарназардошти дастуру ҳидоятҳои Пешвои миллат муҳтарам Эмомалӣ Раҳмон ҷиҳати расидан ба ҳадафҳои стратегии давлат, аз он ҷумла вусъати кор дар самти саноатикунонии босуръати кишвар то ҷашни 35 - солагии Истиқлолияти давлатии Ҷумҳурии Тоҷикистон ва ба ин васила коҳиш додани сатҳи камбизоатӣ то 15 фоиз аз тамоми имкониятҳои зеҳнию захираҳои моддӣ - техникӣ истифода бурда, чораҳои заруриро роҳандозӣ менамояд, - хулоса кард, Мирзозода Низом Юсуфӣ.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.