Бо ташаббуси мақомотҳои иҷроияи ҳокимияти давлатии Вилояти Мухтори Кӯҳистони Бадахшону шаҳри Хоруғ, Раёсати Агентии меҳнат ва шуғли аҳолӣ дар вилояту идораҳои маҳаллӣ ярмаркаи ҷойҳои кории холӣ ва вазифаҳои озод доир гардид.

Ҳамин тавр, дар асоси нақшаи чорабиниҳои мақомоти иҷроияи ҳокимияти давлатӣ ва шуъбаи агентии меҳнат ва шуғли аҳолии шаҳр дар ярмарка беш аз 79 адад ҷой аз ҷониби мақомотҳои болозикр, сарраёсати ҳифзи муҳити зисти вилояту шуъбаи он дар Хоруғ, Маркази таълимии калонсолони шаҳр ва дигар идораҳои маҳаллӣ пешниҳод гаштанд.

Мавриди зикр аст, ки дар рафти ярмарка инчунин зиёда аз 1000 ҷойи кории берун аз вилоят, минҷумла дар неругоҳи барқии обии Роғун, НОБ - и Норак ва дигар ҷойҳо пешбарӣ шуда, ҳамзамон корҷӯён ба касбомӯзию бозомӯзӣ низ мароқи зиёд зоҳир намуданд.