Соли гузашта 51 872 сайёҳ аз ҷойҳои таърихию фарҳангӣ ва табиати нотакрори ВМКБ дидан ба амал оварданд, ки нисбати соли 2024, 15 421 нафар зиёд мебошад.

Ин нуктаро раиси ВМКБ Мирзонабот Алишер Худобердӣ зимни нишасти матбуотӣ ба хабарнигорон иттилоъ дод.

Зикр гардид, ки таҳти ҳидояти Пешвои муаззами миллат муҳтарам Эмомалӣ Раҳмон, бо мусоидати Раиси Маҷлиси миллии Маҷлиси Олии Ҷумҳурии Тоҷикистон, президенти Федератсияи футболи Тоҷикистон муҳтарам Рустами Эмомалӣ бори аввал Лигаи футболи вилоят баргузор гардида, соли равон низ бо бартараф намудани баъзе камбудиҳо бо сатҳу сифати нав идома меёбад.

Варзишгарони вилоят дар зиёда аз 15 мусобиқаи байналмилалӣ, 59 мусобиқа ва чемпионатҳои сатҳи ҷумҳуриявӣ иштирок карда, сазовори 341 медал, аз ҷумла 101 медали тилло, 104 нуқра ва 136 биринҷӣ гардиданд.

Дар доираи нақша-чорабиниҳои таҷлили сазовор аз 35-умин солгарди Истиқлоли давлатӣ то имрӯз 1469 иншоот ба маблағи 5,2 млрд сомонӣ бунёд ва ба истифода дода шуданд, ки 108 фоизи иҷрои бандҳои нақшаро ташкил медиҳад.

Соли ҷорӣ ба истиқболи ин ҷашни фархунда сохтмон ва ба истифода додани зиёда аз 650 иншооти таъиноти гуногуни иқтисодию итҷтимоӣ дар нақша мебошад.

Таъкид шуд, ки дар маҷмуъ, соли 2025 дар вилоят зиёда аз 382 объект бунёд шуданд, ки аз онҳо 53 корхонаи саноатӣ, 46 мансуб ба соҳаи маориф ва 17 ба соҳаи тандурустӣ мебошанд.

Бо мақсади иҷрои дастури Роҳбари давлат соли 2025 31 муассисаи томактабӣ мавриди баҳрабардорӣ қарор гирифта, айни замон фарогирии кӯдакон ба муасиссаҳои томактабӣ 42,6% - ро ташкил дода, соли ҷорӣ бошад, сохтмони боз 47 муассисаи томактабӣ дар нақша мебошад.

Садоншо ҶАНОБИЛШОЕВ, "ҶТ"