Ба ифтихори 30 – солагии Истиқлолияти давлатии Ҷумҳурии Тоҷикистон дар 24 маҳаллаи шаҳри Хоруғ корҳои созандагиву бунёдкорӣ, таъмиру азнавсозии роҳҳои байнишаҳрӣ ва сохтмони истгоҳҳои муосири нақлиёти ҷамъиятию ҳашарҳои дастаҷамъона идома доранд.

Чунин корҳо бо ибтикори роҳбарияти мақомоти иҷроияи ҳокимияти давлатии Вилояти Мухтори Кӯҳистони Бадахшону шаҳри Хоруғ ва Баҳши кор бо ҷавонон ва варзиши шаҳр рӯи даст гирифта шудаанд.

Феълан ҷавонони шаҳр, ки зодагони даврони Истиқлоланд, дар баробари дигар қишрҳои ҷомеа дар корҳои ободонии маркази вилоят фаъолона ширкат намуда, дар робита ба таҳкими сиёсати давлатии кор бо ҷавонон, дарки асолати ватандорию соҳибистиқлолӣ дар ҳудуди шаҳр зиёда аз 136 лавҳаи гуногун ва шиору овезаҳоро насб намуданд.

Мавриди зикр аст, ки корҳои ободонию созандагӣ ҳамзамон дар ҳамаи ноҳияҳои ВМКБ ба муносибати таҷлили сазовори 30-солагӣ бомаром ҷараён дошта, ҳамаи табақаҳои аҳолии вилоят дар он ширкати фаъол доранд.