Бахшида ба Рӯзи кормандони милитсия роҳбарияти ШВКД дар шаҳри Гулистон бо кӯдакони Интернати назди муассисаи таълимии ноҳияи Спитамен вохӯрӣ намуданд.

Сардори ШВКД дар шаҳри Гулистон полковники милитсия Шарифзода Темур Икром бо тарбиятгирандагон суҳбати озод намуда, зимни суҳбат аз сиёсати ятимпарварона ва хайрхоҳонаи Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон ёдовар шуд.

Мавсуф онҳоро ба дарсомӯзӣ, пешбурди тарзи ҳаёти солим, забономӯзӣ ва аз худ кардани илмҳои муосир, ки дар оянда барои мутахассис шудан дар ин ё он соҳа мусоидат мекунад, талқин намуда, дар охир ба тарбиятгирандагон туҳфаҳои хотиравӣ тақдим намуданд.