9 ноябр бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар толори маҷлисгоҳи Вазорати нақлиёти кишвар ҳамоиш зери унвони “Тарбияи ватандӯстии шаҳрвандон-омили таҳкими пояҳои давлатдории миллӣ” доир гардид.

Дар он Фаррух Неъматзода, муовини вазири нақлиёт ва Сураҷ Чоршанбезода, муовини раиси Кумитаи кор бо ҷавонон ва варзиш иштирок ва суханронӣ намуданд.

Дар ибтидо Фаррух Неъматзода, муовини вазири нақлиёт ҳозиринро бахшида ба Рӯзи Президент табрик намуд.

Сураҷ Чоршанбезода, муовини раиси Кумитаи кор бо ҷавонон ва варзиш зимни баромади худ иброз дошт, ки Қонуни Ҷумҳурии Тоҷикистон “Дар бораи ватандӯстии шаҳрвандон” ҳадаф, принсипҳо ва самтҳои тарбияи ватандӯстӣ дар Ҷумҳурии Тоҷикистон, асосҳои ҳуқуқӣ ва ташкилии онро муқаррар карда, муносибатҳои вобаста ба ташкили заминаҳои ҳуқуқӣ, иҷтимоӣ, иқтисодӣ, ташкилӣ, таъмин ва танзими фаъолиятро дар соҳаи тарбияи ватандӯстии шаҳрвандон муайян месозад.

Дар интиҳо якчанд корманди фаъоли вазорати мазкур бо ифтихорномаи КҶВ қадрдонӣ шуданд.

Тоҳирҷон САЛИМОВ, “ҶТ”