Дар МТМУ №4 - и деҳаи Муҷуни ноҳияи Деваштич бо хонандагони муассиса вохӯрӣ вобаста ба солимии аҳолӣ ва пешгирии хурӯҷи эҳтимолии мавҷи дуюми бемории сироятии коронавирус баргузор гардид.

Зимни мулоқот ба хонандагон оид ба риояи қоидаҳои гигиенаи шахсӣ, истифодабарии ҳатмии ниқоб дар муассиса, истифодаи маҳлулҳои безараргардонию антисептикӣ ва истеъмоли ғизои солим баҳри баланд бардоштани системаи муҳофизатии инсон тавсияҳо дода шуданд.

Дар вохӯрӣ ҳамчунин масъулин оид ба масъалаҳои маъракаи муҳими сиёсии дарпешистода, яъне интихоботи Президенти Ҷумҳурии Тоҷикистон, истифодаи оқилонаи қитъаи замини наздиҳавлигӣ, сарфакорона истифода бурдани қувваи барқ ва захираи молу маҳсулоти ниёзи аввал ибрози назар намуданд.