Зимни сафари корӣ Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар деҳаи Муҷуми ҷамоати деҳоти Муҷуми ноҳияи Деваштич бо сокинону фаъолони деҳаҳои ҷамоати мазкур мулоқот намуд.

Зимни вохӯрӣ доир ба масъалаҳои пешгирии шомилшавии шаҳрвандон ба ҳизбу ҳаракатҳои террористиву экстремистӣ, таълимоти ғайриқонунии динӣ, кор бо аҳолӣ дар маҳал, бахусус наврасону ҷавонон, роҳ надодан ба бегонапарастиву хурофотпарастӣ, саводноккунии мардум ва даъвати онҳо ба таҳаммулпазирӣ ва баланд бардоштани маърифати ҳуқуқӣ табодули афкор сурат гирифт.

Дар ҷараёни суханрониҳо аз фаъолони ҷамоати деҳоти Муҷум даъват ба амал оварда шуд, ки ҷалби ҷавонону наврасон ба илму дониш ва касбу ҳунар бояд дар маркази таваҷҷуҳи ҳамаи аҳли ҷомеа қарор дошта бошад. Зеро ояндаи Тоҷикистон дар дасти ҷавонон аст.