ҶОМЕА
Сешанбе 10 Феврал 2026 05:47
Дар ҳар давру замон симои занони ватандӯст, поктинату донишвар барҷаста таҷассум мешавад ва рӯзгори онҳо намунаи ибрат, қобили ситоишу омӯзиш аст. Меҳринисо Раҳматова, раиси ҷамоати деҳоти Ворухи шаҳри Исфараро метавон аз табори чунин бонувон донист ва рӯзгори ибратбахшу хизматҳои шоистаи ин зани муборизро ба риштаи тасвир кашид.
Меҳринисо Раҳматова ҳамчун роҳбари кордон, бонуи ташаббускору созанда ва ватандӯсту меҳанпараст тавонист, ки дар чанд соли охир корҳои ободониву созандагиро вусъат бахшад, иншооти зиёди ҷашнӣ бун-ёд намояд ва сиёсати пешгирифтаи давлату Ҳукуматро дар амал татбиқ намояд. Ҳамин буд, ки дар баробари маблағгузориҳои Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилояти Суғд, соҳибкорону сокинони Ворух дар ободоии диёр, сохтмони иншооти таъиноти гуногун саҳм гузошта истодаанд.
Деҳоти Ворухи шаҳри Исфара аз минтақаҳои дурдасти Тоҷикистони соҳибистиқлол ба шумор рафта, дар роҳи рушд гомҳои устувор мегузорад. Дар даврони Истиқлоли давлатӣ бо таваҷҷуҳ ва ғамхориҳои пайвастаи Пешвои миллат муҳтарам Эмомалӣ Раҳмон дар ин куҳандиёр барои кору зиндагии сокинонаш шароити арзанда фароҳам оварда шудааст. Мардуми меҳнатқарини деҳоти Ворух ҳамаи дастовардҳои худро натиҷаи талошҳои шабонарӯзии Роҳбарияти олии давлату Ҳукумат медонанд.
Имрӯз дар деҳоти Ворухи шаҳри Исфара бештар аз 40 ҳазор нафар аҳолӣ умр ба сар мебаранд. Мардумаш дар гиромӣ доштани анъанаҳои гузаштагон ва рушди ҳунарҳои аждодӣ саҳми арзанда мегузоранд. Масалан, ҳунари оҳангарӣ, ки таърихи куҳан дорад, дар Ворух то ба ҳол побарҷост. Мардум бо истифода аз ҳунари оҳангарӣ на танҳо зиндагиашонро пеш мебаранд, балки онро аз насл ба насл мерос мегузоранд. Агарчи имрӯз ба маҳсулоти оҳангарӣ таваҷҷуҳ камтар аст, вале муҳим ин аст, ки дар ҳеҷ давру замон оҳангарӣ аз байн намеравад.
РУШДИ ОБОДОНӢ БА ИФТИХОРИ ҶАШНИ МИЛЛӢ
Дар деҳоти Ворух ба ифтихори 35-солагии Истиқлоли давлатии Ҷумҳурии Тоҷикистон бунёд, таъмиру навсозии 130 иншооти таъиноташ гуногун дар назар буд ва бо мавриди истифода қарор гирифтани ин иншооти ҷашнӣ сатҳи зиндагии мардум боз ҳам беҳтар ва шароити кору хизматрасонӣ хубтар шуд. Мардуми бонангу номуси деҳоти Ворух кӯчаҳои деҳотро мумфарш намуда, бо ин васила дар ободонии маҳалли зис-ти хеш ҳиссагузорӣ мекунанд. Мардум тасмим гирифтаанд, ки ҷашни бузурги миллӣ, 35-солагии Истиқлоли давлатиро бо меҳнати содиқона ва дастовардҳои арзанда истиқбол гиранд. Қомат афрохтани иншооти мухталиф, ба монанди марказҳои савдо, мактабҳои наву замонавӣ, қасри фарҳанг, майдончаҳои варзишӣ ва даҳҳо иншооти дигар нишонаи возеҳи ободкориҳо ва пуштибонии мардуми Ворух аз сиёсати пешгирифтаи Пешвои миллат муҳтарам Эмомалӣ Раҳмон аст.
“Мо ҳамеша ғамхориҳои Пешвои миллат муҳтарам Эмомалӣ Раҳмонро эҳсос мекунам ва ҳамаи ин корҳои ободониву созандагӣ ва пойдории сулҳу субот самараи сиёсати хирадмандонаи Пешвои муаззами миллат аст. Кушода шудани гузаргоҳҳои сарҳадӣ миёни ду кишвари ба ҳам дӯсту ҳамсоя-Тоҷикистону Қирғизистонро бесаброна интизор будем ва дар баҳори соли 2025 ин орзуи деринаи мо амалӣ гардид. Мардуми деҳоти Ворух ба Ҷаноби Олӣ, Пешвои миллат муҳтарам Эмомалӣ Раҳмон бисёр миннатдорӣ баён мекунанд”, - гуфт раиси деҳоти Ворух Меҳринисо Раҳматова.
Бо назардошти мавҷудияти зарфиятҳои соҳаи сайёҳӣ дар деҳоти Ворух бо азму иродаи қавӣ ва эҳсоси масъулият сокинони маҳаллаи “Сари дашт”-и деҳоти Ворух мавзеи сайёҳиву истироҳатии “Беди каж”, Хоҷа Абдуллои Шибирғониро ободу зебо менамоянд. Бо бунёди иншоот ва амалӣ шудани иқдомҳои созанда дар ин мавзеъ барои истироҳати сайёҳони дохилу хориҷ шароити муносиб фароҳам оварда мешавад.
Рушди соҳаи сайёҳӣ аз ҳадафҳои созандаи Ҳукумати мамлакат ба шумор рафта, дар минтақаҳои сайёҳӣ барои фароҳам овардани шароити муносиби қабули сайёҳону ҷаҳонгардон корҳои зиёд амалӣ шуданд. Таъмиру таҷдиди роҳҳои мошингард метавонад ба рушди соҳаи сайёҳӣ замина гузорад. Ба гуфти раиси деҳоти Ворух ҳоло мардум бо ҳисси баланди ватандӯстӣ ва ифтихори миллӣ дар корҳои ободониву созандагӣ саҳм мегузоранд.
“Баъди кушода шудани сарҳади давлатӣ миёни Тоҷикистону Қирғизистон умеди мардум ба рушди соҳаи сайёҳӣ дучанд шуд. Маълум аст, ки манзараҳои зебои Ворух дили ҳамаро тасхир мекунад, ба рушди соҳаи сайёҳӣ муфид аст. Мо умед дорем, ки барои бунёди инфрасохтори муҳим сармоягузорон, соҳибкорони ватандӯст саҳм мегузоранд. Мардум бо ҳамин умед кӯшиш намуда истодаанд, ки маҳалли зисташонро обод намоянд, барои ҷалби сайёҳон шароит фароҳам оваранд”, - афзуд Меҳринисо Раҳматова.
РУШДИ СОҲАИ МАОРИФУ ТАНДУРУСТӢ ДАР МАРКАЗИ ТАВАҶҶУҲ
Пушида нест, ки аз рӯзҳои аввали соҳибистиқлолӣ давлату Ҳукумат ба рушди соҳаҳои маорифу тандурустӣ таваҷҷуҳи хосса равона намуда, бо бунёди иншооти наву замонавӣ шароити таълиму тарбия ва хизматрасонии тиббӣ дар маҳалҳо беҳтар гардид. Дар деҳоти Ворух ба рушди ҳамаҷонибаи соҳаи тандурустӣ аввалият дода шуда, бо дастгирии Ҳукумати мамлакат ва Мақомоти иҷроияи ҳокимияти давлатии вилояти Суғд ба беморхонаи Ворух таҷҳизоти зарурии тиббӣ дастрас карда шудааст. Ҳамин аст, ки амалиётҳои ҷарроҳӣ ва дигар намудҳои хизматрасонии тиббӣ дар худи беморхонаи деҳоти Ворух анҷом дода мешавад.
Ба гуфти раиси деҳоти Ворух Меҳринисо Раҳматова бо маблағгузории Муассисаи давлатии “Дирексияи сохт-мони иншооти ҳукуматӣ”-и Дастгоҳи иҷроияи Президенти Ҷумҳурии Тоҷикистон сохтмони бинои наву замонавии таваллудхона ба анҷом расида, ҳамчунин, корҳои сохтмонӣ дар ду бунгоҳи тиббӣ ва як маркази саломатӣ идома дорад. Илова бар ин, бо саҳми шарикони рушд, соҳибкорону саховатмандон бунёду таъмир ва навсозии иншооти соҳаи тандурустӣ дар деҳоти Ворух идома дорад ва то ҷашни 35-солагии Истиқлоли давлатӣ иншооти ҷашнӣ ба истифода дода мешавад.
“Агар дар соҳаи маориф ҳам назар кунем, бисёр пешравиҳо ба чашм мерасад. Бо иштироки Пешвои миллат муҳтарам Эмомалӣ Раҳмон як мактаби наву замонавӣ мавриди истифода қарор гирифт. Бо маблағгузории Мақомоти иҷроияи ҳокимияти давлатии вилояти Суғд иншооти соҳаи маориф бунёд ва ба истифода дода шуд. Ҳамзамон, давоми 5 соли охир чор майдончаи варзишӣ, ҳавзи шиноварӣ аз ҳисоби соҳибкорон, ду толори варзишӣ аз ҳисоби шарикони рушд сохта ба истифода дода шуд. Дар ин давра бинои иловагии МТМУ №60 бунёд гардида, кӯдакистони №32 таъмир карда шуда, бо лавозимоти зарурӣ ҷиҳозонида шуд. Як анъанаи нек дар деҳоти Ворух ин аз ҷониби собиқ хатмкардагони муасисаҳои таълимӣ таъмир гардидани мактабҳо, бо лавозимоти хониш таъмин гардидани муассисаҳои таълимӣ аст, ки ин бешубҳа аз ҳидоятҳои Пешвои миллат муҳтарам Эмомалӣ Раҳмон сарчашма мегирад. Ҳама медонанд, ки саҳм гузоштан дар ободии диёр қарзи инсониву фарзандии ҳар як фарди худогоҳ ба шумор меравад. Ба ҳамин хотир, мардуми деҳоти Ворух дар корҳои ободонӣ саҳм мегузоранд”, - таъкид намуд раиси деҳоти Ворух.
БЕҲСОЗИИ ШАРОИТИ ЗИНДАГИИ МАРДУМ ДАР МАДДИ АВВАЛ
Ба иттилои Меҳринисо Раҳматова, раиси деҳоти Ворух бунёди Маркази ҷавонон, маркази фарҳангӣ-фароғатии “Суғдиён”, китобхонаву дигар иншооти муҳим маҳз ба хотири наврасону ҷавонон буда, барои тарбияи маънавии онҳо таъсири амиқ мерасонад.
Таъмини мардум бо оби нӯшокӣ аз масъалаҳои муҳим ба шумор рафта, бо таваҷҷуҳ ва ғамхориҳои давлату Ҳукумат масъалаи дастрасии аҳолӣ ба оби тозаи ошомиданӣ ҳаллу фасли худро ёфта истодааст. Мисоли ин гуфтаҳоро метавон дар деҳоти Ворух мушоҳида намуд. Давоми панҷ соли охир дар Ворух 6 хатти оби нӯшокӣ бо дарозии 18 километр кашида шуда, 6 чоҳи амудӣ ба истифода дода шуд. Ҳамзамон, ҳавзҳои саргаҳи оби нӯшокии Ворух бо харҷи беш аз 1 миллион сомонӣ таъмиру навсозӣ гардид, ки дар умум ин тасмим дар беҳдошти таъминоти оби нӯшокӣ, дастрасии аҳолии маҳаллаҳои нав-бунёд ба обро беҳтар намуд.
“Мо то ба имрӯз иншооти зиёдро бо маблағгузории Ҳукумати Ҷумҳурии Тоҷикистон, шарикони рушд, Мақомоти иҷроияи ҳокимияти давлатии вилояти Суғд, шаҳри Исфара, соҳибкорону саховатмандон сохта ба истифода додем. Дар ин замина метавон гуфт, ки бунёди муассисаҳои иҷтимоӣ, корхонаву коргоҳҳо, сартарошхонаву кошонаи ҳусн, чойхонаву мағоза, пулу роҳҳои мошингард, хатҳои оби нӯшокӣ, ин ҳама барои беҳбудии зиндагии мардум хизмат намуда истодааст. Мардуми Ворух пеш аз ҳама ба Пешвои миллат муҳтарам Эмомалӣ Раҳмон миннатдоранд. Агар сулҳу субот ва ваҳдату ҳамдилӣ намешуд, мо ба ин рӯзҳои нек намерасидем. Ҳар дастоварде, ки миллати тоҷик дорад, ин пайванд аст ба хизматҳои беназиру таърихии Президенти Ҷумҳурии Тоҷикистон муҳтарам Эмомалӣ Раҳмон”, - афзуд дар охири суҳбат Меҳринисо Раҳматова.
Субҳиддин ҚОДИРОВ, “ҶТ”
Меҳринисо Раҳматова ҳамчун роҳбари кордон, бонуи ташаббускору созанда ва ватандӯсту меҳанпараст тавонист, ки дар чанд соли охир корҳои ободониву созандагиро вусъат бахшад, иншооти зиёди ҷашнӣ бун-ёд намояд ва сиёсати пешгирифтаи давлату Ҳукуматро дар амал татбиқ намояд. Ҳамин буд, ки дар баробари маблағгузориҳои Ҳукумати Ҷумҳурии Тоҷикистон, Мақомоти иҷроияи ҳокимияти давлатии вилояти Суғд, соҳибкорону сокинони Ворух дар ободоии диёр, сохтмони иншооти таъиноти гуногун саҳм гузошта истодаанд.
Деҳоти Ворухи шаҳри Исфара аз минтақаҳои дурдасти Тоҷикистони соҳибистиқлол ба шумор рафта, дар роҳи рушд гомҳои устувор мегузорад. Дар даврони Истиқлоли давлатӣ бо таваҷҷуҳ ва ғамхориҳои пайвастаи Пешвои миллат муҳтарам Эмомалӣ Раҳмон дар ин куҳандиёр барои кору зиндагии сокинонаш шароити арзанда фароҳам оварда шудааст. Мардуми меҳнатқарини деҳоти Ворух ҳамаи дастовардҳои худро натиҷаи талошҳои шабонарӯзии Роҳбарияти олии давлату Ҳукумат медонанд.
Имрӯз дар деҳоти Ворухи шаҳри Исфара бештар аз 40 ҳазор нафар аҳолӣ умр ба сар мебаранд. Мардумаш дар гиромӣ доштани анъанаҳои гузаштагон ва рушди ҳунарҳои аждодӣ саҳми арзанда мегузоранд. Масалан, ҳунари оҳангарӣ, ки таърихи куҳан дорад, дар Ворух то ба ҳол побарҷост. Мардум бо истифода аз ҳунари оҳангарӣ на танҳо зиндагиашонро пеш мебаранд, балки онро аз насл ба насл мерос мегузоранд. Агарчи имрӯз ба маҳсулоти оҳангарӣ таваҷҷуҳ камтар аст, вале муҳим ин аст, ки дар ҳеҷ давру замон оҳангарӣ аз байн намеравад.
РУШДИ ОБОДОНӢ БА ИФТИХОРИ ҶАШНИ МИЛЛӢ
Дар деҳоти Ворух ба ифтихори 35-солагии Истиқлоли давлатии Ҷумҳурии Тоҷикистон бунёд, таъмиру навсозии 130 иншооти таъиноташ гуногун дар назар буд ва бо мавриди истифода қарор гирифтани ин иншооти ҷашнӣ сатҳи зиндагии мардум боз ҳам беҳтар ва шароити кору хизматрасонӣ хубтар шуд. Мардуми бонангу номуси деҳоти Ворух кӯчаҳои деҳотро мумфарш намуда, бо ин васила дар ободонии маҳалли зис-ти хеш ҳиссагузорӣ мекунанд. Мардум тасмим гирифтаанд, ки ҷашни бузурги миллӣ, 35-солагии Истиқлоли давлатиро бо меҳнати содиқона ва дастовардҳои арзанда истиқбол гиранд. Қомат афрохтани иншооти мухталиф, ба монанди марказҳои савдо, мактабҳои наву замонавӣ, қасри фарҳанг, майдончаҳои варзишӣ ва даҳҳо иншооти дигар нишонаи возеҳи ободкориҳо ва пуштибонии мардуми Ворух аз сиёсати пешгирифтаи Пешвои миллат муҳтарам Эмомалӣ Раҳмон аст.
“Мо ҳамеша ғамхориҳои Пешвои миллат муҳтарам Эмомалӣ Раҳмонро эҳсос мекунам ва ҳамаи ин корҳои ободониву созандагӣ ва пойдории сулҳу субот самараи сиёсати хирадмандонаи Пешвои муаззами миллат аст. Кушода шудани гузаргоҳҳои сарҳадӣ миёни ду кишвари ба ҳам дӯсту ҳамсоя-Тоҷикистону Қирғизистонро бесаброна интизор будем ва дар баҳори соли 2025 ин орзуи деринаи мо амалӣ гардид. Мардуми деҳоти Ворух ба Ҷаноби Олӣ, Пешвои миллат муҳтарам Эмомалӣ Раҳмон бисёр миннатдорӣ баён мекунанд”, - гуфт раиси деҳоти Ворух Меҳринисо Раҳматова.
Бо назардошти мавҷудияти зарфиятҳои соҳаи сайёҳӣ дар деҳоти Ворух бо азму иродаи қавӣ ва эҳсоси масъулият сокинони маҳаллаи “Сари дашт”-и деҳоти Ворух мавзеи сайёҳиву истироҳатии “Беди каж”, Хоҷа Абдуллои Шибирғониро ободу зебо менамоянд. Бо бунёди иншоот ва амалӣ шудани иқдомҳои созанда дар ин мавзеъ барои истироҳати сайёҳони дохилу хориҷ шароити муносиб фароҳам оварда мешавад.
Рушди соҳаи сайёҳӣ аз ҳадафҳои созандаи Ҳукумати мамлакат ба шумор рафта, дар минтақаҳои сайёҳӣ барои фароҳам овардани шароити муносиби қабули сайёҳону ҷаҳонгардон корҳои зиёд амалӣ шуданд. Таъмиру таҷдиди роҳҳои мошингард метавонад ба рушди соҳаи сайёҳӣ замина гузорад. Ба гуфти раиси деҳоти Ворух ҳоло мардум бо ҳисси баланди ватандӯстӣ ва ифтихори миллӣ дар корҳои ободониву созандагӣ саҳм мегузоранд.
“Баъди кушода шудани сарҳади давлатӣ миёни Тоҷикистону Қирғизистон умеди мардум ба рушди соҳаи сайёҳӣ дучанд шуд. Маълум аст, ки манзараҳои зебои Ворух дили ҳамаро тасхир мекунад, ба рушди соҳаи сайёҳӣ муфид аст. Мо умед дорем, ки барои бунёди инфрасохтори муҳим сармоягузорон, соҳибкорони ватандӯст саҳм мегузоранд. Мардум бо ҳамин умед кӯшиш намуда истодаанд, ки маҳалли зисташонро обод намоянд, барои ҷалби сайёҳон шароит фароҳам оваранд”, - афзуд Меҳринисо Раҳматова.
РУШДИ СОҲАИ МАОРИФУ ТАНДУРУСТӢ ДАР МАРКАЗИ ТАВАҶҶУҲ
Пушида нест, ки аз рӯзҳои аввали соҳибистиқлолӣ давлату Ҳукумат ба рушди соҳаҳои маорифу тандурустӣ таваҷҷуҳи хосса равона намуда, бо бунёди иншооти наву замонавӣ шароити таълиму тарбия ва хизматрасонии тиббӣ дар маҳалҳо беҳтар гардид. Дар деҳоти Ворух ба рушди ҳамаҷонибаи соҳаи тандурустӣ аввалият дода шуда, бо дастгирии Ҳукумати мамлакат ва Мақомоти иҷроияи ҳокимияти давлатии вилояти Суғд ба беморхонаи Ворух таҷҳизоти зарурии тиббӣ дастрас карда шудааст. Ҳамин аст, ки амалиётҳои ҷарроҳӣ ва дигар намудҳои хизматрасонии тиббӣ дар худи беморхонаи деҳоти Ворух анҷом дода мешавад.
Ба гуфти раиси деҳоти Ворух Меҳринисо Раҳматова бо маблағгузории Муассисаи давлатии “Дирексияи сохт-мони иншооти ҳукуматӣ”-и Дастгоҳи иҷроияи Президенти Ҷумҳурии Тоҷикистон сохтмони бинои наву замонавии таваллудхона ба анҷом расида, ҳамчунин, корҳои сохтмонӣ дар ду бунгоҳи тиббӣ ва як маркази саломатӣ идома дорад. Илова бар ин, бо саҳми шарикони рушд, соҳибкорону саховатмандон бунёду таъмир ва навсозии иншооти соҳаи тандурустӣ дар деҳоти Ворух идома дорад ва то ҷашни 35-солагии Истиқлоли давлатӣ иншооти ҷашнӣ ба истифода дода мешавад.
“Агар дар соҳаи маориф ҳам назар кунем, бисёр пешравиҳо ба чашм мерасад. Бо иштироки Пешвои миллат муҳтарам Эмомалӣ Раҳмон як мактаби наву замонавӣ мавриди истифода қарор гирифт. Бо маблағгузории Мақомоти иҷроияи ҳокимияти давлатии вилояти Суғд иншооти соҳаи маориф бунёд ва ба истифода дода шуд. Ҳамзамон, давоми 5 соли охир чор майдончаи варзишӣ, ҳавзи шиноварӣ аз ҳисоби соҳибкорон, ду толори варзишӣ аз ҳисоби шарикони рушд сохта ба истифода дода шуд. Дар ин давра бинои иловагии МТМУ №60 бунёд гардида, кӯдакистони №32 таъмир карда шуда, бо лавозимоти зарурӣ ҷиҳозонида шуд. Як анъанаи нек дар деҳоти Ворух ин аз ҷониби собиқ хатмкардагони муасисаҳои таълимӣ таъмир гардидани мактабҳо, бо лавозимоти хониш таъмин гардидани муассисаҳои таълимӣ аст, ки ин бешубҳа аз ҳидоятҳои Пешвои миллат муҳтарам Эмомалӣ Раҳмон сарчашма мегирад. Ҳама медонанд, ки саҳм гузоштан дар ободии диёр қарзи инсониву фарзандии ҳар як фарди худогоҳ ба шумор меравад. Ба ҳамин хотир, мардуми деҳоти Ворух дар корҳои ободонӣ саҳм мегузоранд”, - таъкид намуд раиси деҳоти Ворух.
БЕҲСОЗИИ ШАРОИТИ ЗИНДАГИИ МАРДУМ ДАР МАДДИ АВВАЛ
Ба иттилои Меҳринисо Раҳматова, раиси деҳоти Ворух бунёди Маркази ҷавонон, маркази фарҳангӣ-фароғатии “Суғдиён”, китобхонаву дигар иншооти муҳим маҳз ба хотири наврасону ҷавонон буда, барои тарбияи маънавии онҳо таъсири амиқ мерасонад.
Таъмини мардум бо оби нӯшокӣ аз масъалаҳои муҳим ба шумор рафта, бо таваҷҷуҳ ва ғамхориҳои давлату Ҳукумат масъалаи дастрасии аҳолӣ ба оби тозаи ошомиданӣ ҳаллу фасли худро ёфта истодааст. Мисоли ин гуфтаҳоро метавон дар деҳоти Ворух мушоҳида намуд. Давоми панҷ соли охир дар Ворух 6 хатти оби нӯшокӣ бо дарозии 18 километр кашида шуда, 6 чоҳи амудӣ ба истифода дода шуд. Ҳамзамон, ҳавзҳои саргаҳи оби нӯшокии Ворух бо харҷи беш аз 1 миллион сомонӣ таъмиру навсозӣ гардид, ки дар умум ин тасмим дар беҳдошти таъминоти оби нӯшокӣ, дастрасии аҳолии маҳаллаҳои нав-бунёд ба обро беҳтар намуд.
“Мо то ба имрӯз иншооти зиёдро бо маблағгузории Ҳукумати Ҷумҳурии Тоҷикистон, шарикони рушд, Мақомоти иҷроияи ҳокимияти давлатии вилояти Суғд, шаҳри Исфара, соҳибкорону саховатмандон сохта ба истифода додем. Дар ин замина метавон гуфт, ки бунёди муассисаҳои иҷтимоӣ, корхонаву коргоҳҳо, сартарошхонаву кошонаи ҳусн, чойхонаву мағоза, пулу роҳҳои мошингард, хатҳои оби нӯшокӣ, ин ҳама барои беҳбудии зиндагии мардум хизмат намуда истодааст. Мардуми Ворух пеш аз ҳама ба Пешвои миллат муҳтарам Эмомалӣ Раҳмон миннатдоранд. Агар сулҳу субот ва ваҳдату ҳамдилӣ намешуд, мо ба ин рӯзҳои нек намерасидем. Ҳар дастоварде, ки миллати тоҷик дорад, ин пайванд аст ба хизматҳои беназиру таърихии Президенти Ҷумҳурии Тоҷикистон муҳтарам Эмомалӣ Раҳмон”, - афзуд дар охири суҳбат Меҳринисо Раҳматова.
Субҳиддин ҚОДИРОВ, “ҶТ”
Хабарҳои дигар
Рӯзнома
Эзоҳи худро нависед