Раёсати Донишгоҳи давлатии Хоруғ ба номи Моёншо Назаршоев барои Мактаб – интернати №2 – и деҳаи Тохтамиши ноҳияи Мурғоб ба маблағи зиёда аз 20 000 сомонӣ маҳсулоти пӯшокаву хӯрокворӣ ва се адад компютери нав ҳамчун кӯмаки хайриявӣ дод.

Тавре аз донишгоҳ хабар доданд, чунин кӯмак ба ифтихори ҷашни Рамазон расонида шуда, тарбиятгирандагони мактаб – интернат онро бо як фараҳмандӣ қабул намуданд.

Бояд гуфт, ки пӯшоквориро асосан либосҳои варзишӣ ва маҳсулоти хӯрокаро аз қабили орд, биринҷ, равған, шакар, марҷумак, макарон ва ғайра ташкил медод.