30 январ зимни нишасти хабарии Вазорати фарҳанги Ҷумҳурии Тоҷикистон гуфта шуд, ки дар қаламрави кишвар, аз ҷумла вилояти Суғд намунаҳои зиёди ёдгориҳои таърихии дорои таърихи чандҳазорсола вуҷуд доранд, ки месазад, он ба рӯйхати мероси фарҳанги умумибашарии Юнеско ворид карда шаванд.

Дар шарҳи ин нуктаи боло таъкид гардид, ки вобаста ба ин соли 2022 аз ҷониби вазорат маҷмуи ҳуҷҷатҳои номинатсионии муштарак ҷиҳати ворид шудан, ба рӯйхати мероси фарҳанги ғайримоддӣ гирдоварӣ, таҳия ва ба идораи ЮНЕСКО ирсол карда шудааст.

Дар идома гуфта шуд, ки соли сипаришуда аз ҷониби муассисаҳои нашриявии вазорат 98 номгӯй китоб бо теъдоди 108 ҳазору 750 нусха адабиёти бадеӣ ва илмӣ -оммавӣ ба табъ расонида шуд.