22 июл зимни нишасти матбуотӣ раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода таъкид намуд, ки аз моҳи январи соли 2020 кумита тибқи тартиб корҳои омодагиро барои сафарбарнамоии шаҳрвандон ба мароси ҳаҷ оғоз намуд.
  
Ба гуфти номбурда, ҳиссаи ҷудошуда аз рӯи шумораи аҳолӣ тибқи мактуби Агентии омори назди Прездиденти Ҷумҳурии Тоҷикистон ба шаҳру ноҳияҳои ВМКБ, вилоятҳои Суғду Хатлон, шаҳри Душанбе ва ноҳияҳои табеи марказ барои оғоз намудани мавсими “Ҳаҷ-2020” ва пешниҳоди рӯйхати ҳаҷравандагон тақсим карда шуд. Рӯйхати ҳаҷравандагон аз ҷониби мақомоти иҷроияи ҳокимияти давлатии вилоятҳо ва шаҳру наҳияҳои кишвар ба кумита пешниҳод карда шуданд. Аммо бодарназардошти вазъи пандемия сафари имсолаи зоирон бекор карда шуд. Аз ин рӯ, дар мавсими оянда пеш аз ҳама онҳое сафар мекунанд, ки тибқи навбат аз ҷониби мақомоти маҳаллӣ пешниҳод гардидаанд.