ҶОМЕА
Шанбе 27 Апрел 2024 01:28
11 март Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба ифтихори Рӯзи матбуоти тоҷик ва табрики аҳли қалам ба идораи Муассисаи давлатии рӯзномаи “Ҷавонони Тоҷикистон” ташриф овард.
Нахуст раиси Кумита бо дастовардҳои рӯзномаи “Ҷавонони Тоҷикистон” ошно шуда, ба иқдомҳои тайи солҳои охир роҳандозинамудаи аҳли эҷоди рӯзнома баҳои баланд дод.
Сипас, зимни вохурӣ раиси Кумита аҳли эҷоди рӯзномаро бахшида ба Рӯзи матбуот ва иди касбии рӯзноманигорони мамлакат муборакбод гуфта, ба якояки онҳо дар ҷодаи қаламфарсоӣ барору комёбӣ таманно намуд.
Гуфта шуд, ки дар замони муосир саҳми матбуоти тоҷик дар ҳифзи манфиатҳои миллӣ назаррас буда, ин дастгоҳи тавонову муқтадири хабариву таҳлилӣ ҳодисаву воқеаҳоро бозтоб намуда, мардумро ба фардои дурахшон раҳнамун месозад. Давоми 112 сол матбуоти тоҷик тавонистааст, ки бо нигоштаҳои хеш дар баланд бардоштани сатҳи маънавиёти ҷомеа, маърифатнокии сокинони мамлакат ва ҳифзи арзишҳои миллӣ саҳми беназири худро гузорад.
Таъкид гардид, ки баробари дигар ВАО рӯзномаи “Ҷавонони Тоҷикистон” низ миёни матбуоти кишвар ва дигар ҷаридаҳо дорои ҷойгоҳи хос буда, дар таҳлили масъалаҳои мубрами рӯз ва тарғиби сиёсати Ҳукумати Ҷумҳурии Тоҷикистон, аз ҷумла, сиёсати давлатии ҷавонон ва варзиш саҳми бениҳоят бузург дорад. Зеро имрӯз онро дар дурдасттарин минтақаҳои кишвар баробари дигар қишрҳои ҷомеа, наврасону ҷавонон пайгирона мутолиа менамоянд.
Зикр гардид, ки рӯзноманигорон бояд дар шароити мураккаби ҷаҳонишавӣ ҳамеша муҳофизи арзишҳову дастовардҳои замони соҳибистиқлолӣ бошанду бо нигоштаҳои созандаи хеш ҷомеаро ба сӯйи фардои дурахшон роҳнамоӣ созанд.
Дар идомаи вохурӣ рӯзномаи “Ҷавонони Тоҷикистон” ва як қатор кормандони он барои гузоштани саҳми муносиб дар татбиқи босамари сиёсати давлатии чавонон ва рушди соҳаи варзиш, тарғибу ташвиқ, инъикоси васеи маводҳои муҳим аз фаъолияти ҷавонон ва варзишгарон ва ба ин васила таҳкими ҳисси худшиносии миллӣ миёни аҳли ҷомеа бахшида ба 11 март - Рӯзи матбуоти тоҷик бо сипосномаҳои Кумитаи кор бо ҷавонон ва варзиш сарфароз гардонида шуданд.
Нахуст раиси Кумита бо дастовардҳои рӯзномаи “Ҷавонони Тоҷикистон” ошно шуда, ба иқдомҳои тайи солҳои охир роҳандозинамудаи аҳли эҷоди рӯзнома баҳои баланд дод.
Сипас, зимни вохурӣ раиси Кумита аҳли эҷоди рӯзномаро бахшида ба Рӯзи матбуот ва иди касбии рӯзноманигорони мамлакат муборакбод гуфта, ба якояки онҳо дар ҷодаи қаламфарсоӣ барору комёбӣ таманно намуд.
Гуфта шуд, ки дар замони муосир саҳми матбуоти тоҷик дар ҳифзи манфиатҳои миллӣ назаррас буда, ин дастгоҳи тавонову муқтадири хабариву таҳлилӣ ҳодисаву воқеаҳоро бозтоб намуда, мардумро ба фардои дурахшон раҳнамун месозад. Давоми 112 сол матбуоти тоҷик тавонистааст, ки бо нигоштаҳои хеш дар баланд бардоштани сатҳи маънавиёти ҷомеа, маърифатнокии сокинони мамлакат ва ҳифзи арзишҳои миллӣ саҳми беназири худро гузорад.
Таъкид гардид, ки баробари дигар ВАО рӯзномаи “Ҷавонони Тоҷикистон” низ миёни матбуоти кишвар ва дигар ҷаридаҳо дорои ҷойгоҳи хос буда, дар таҳлили масъалаҳои мубрами рӯз ва тарғиби сиёсати Ҳукумати Ҷумҳурии Тоҷикистон, аз ҷумла, сиёсати давлатии ҷавонон ва варзиш саҳми бениҳоят бузург дорад. Зеро имрӯз онро дар дурдасттарин минтақаҳои кишвар баробари дигар қишрҳои ҷомеа, наврасону ҷавонон пайгирона мутолиа менамоянд.
Зикр гардид, ки рӯзноманигорон бояд дар шароити мураккаби ҷаҳонишавӣ ҳамеша муҳофизи арзишҳову дастовардҳои замони соҳибистиқлолӣ бошанду бо нигоштаҳои созандаи хеш ҷомеаро ба сӯйи фардои дурахшон роҳнамоӣ созанд.
Дар идомаи вохурӣ рӯзномаи “Ҷавонони Тоҷикистон” ва як қатор кормандони он барои гузоштани саҳми муносиб дар татбиқи босамари сиёсати давлатии чавонон ва рушди соҳаи варзиш, тарғибу ташвиқ, инъикоси васеи маводҳои муҳим аз фаъолияти ҷавонон ва варзишгарон ва ба ин васила таҳкими ҳисси худшиносии миллӣ миёни аҳли ҷомеа бахшида ба 11 март - Рӯзи матбуоти тоҷик бо сипосномаҳои Кумитаи кор бо ҷавонон ва варзиш сарфароз гардонида шуданд.
Хабарҳои дигар
Рӯзнома
Эзоҳи худро нависед