Мусобиқаи байналмилалии “Ҷоми рушд-2020”, ки дар шаҳри Мински давлати Беларус баргузор гардида истодааст, тими наврасони то 16-солаи Тоҷикистон оид ба футбол ин мусобиқаро бо ғалаба оғоз кард.

Дар даври аввал шогирдони Аҳлиддин Турдиев ба тими наврасони Исландия бо ҳисоби 2:1 пирӯз гардиданд.

Дар “Ҷоми рушд-2020” 8 даста дар ду гурӯҳ як давр бозӣ мекунанд. Сипас, ғолибони гурӯҳҳо ба финал мебароянд, дастаҳои ҷои дуюми гурӯҳҳо барои ҷойи сеюм бозӣ мекунад.

Ҳамчунин, бозиҳо барои ҷойҳои панҷуму ҳафтум сурат мегирад. Тими мунтахаби наврасони Тоҷикистон дар даври дуюм санаи 21 январ бо Исроил вомехӯранд. Бози соати 14:00 бо вақти Душанбе оғоз мегардад.