Бо ташаббуси Раёсати кор бо ҷавонон ва варзиши вилояти Суғд, санаи 24 феврал, машқҳои пагоҳирӯзӣ ва солимгардонӣ таҳти унвони “Ҳаёти солим – интихоби мост!” доир гардид.

Дар машқҳои пагоҳирӯзӣ беш аз 1200 нафар ҷавонону наврасон ва варзишгарони вилоят (284 нафар духтарон) иштирок намуда, дар тарғибу ташвиқи тарзи ҳаёти солим саҳми хешро гузоштанд.

Таъкид гардид, ки бо мақсади тарғибу ташвиқи тарзи ҳаёти солим, оммавигардонии варзиш ва пешгирии ҷавонон аз ҳар гуна омилҳои номатлуби ҷомеа, аз қабили нашъамандӣ ва касалиҳои сирояткунандаи ҷинсӣ, махсусан ВНМО гузаронидани чунин чорабиниҳо аз манфиат холӣ нест.