Чанде пеш дар ноҳияи Ҷалолиддини Балхӣ бахшида ба Рӯзи варзишгарон бо мураббиёну варзишгарон вохӯрӣ баргузор гардид.

Дар вохӯрӣ муовини раиси ноҳия Анзурат Абдусаломзода, роҳбари дастгоҳи раиси ноҳия Рӯзмат Сияҳаков, мудири Бахши кор бо ҷавонон ва варзиши ноҳия Хуршед Қурбонзода оид ба дастовардҳои варзишгарони ноҳия суханронӣ намуданд.

Анзурат Абдусаломзода дар суханронии худ варзишгаронро ба рӯзи идашон табрик намуда, онҳоро муарифгарӣ Ватан ва ояндасози давлати соҳибистиклол номид: “Соҳаи варзиш яке аз самтҳои муҳими пешгирии омилҳои номатлуб буда, дар ташаккулу инкишофи ҷисмонии наврасону ҷавонон нақши бузург мебозад”.

Ба гуфтаи Рӯзмат Сияҳаков варзишгарони ноҳия дар ҳафт моҳи соли ҷорӣ дар 25 мусобиқаи вилоятӣ ва 15 мусобиқаи ҷумҳуриявӣ иштирок намуда, 20 медали биринҷӣ ва 5 медалӣ тилло оварда, аз мусобиқаҳои вилоятӣ бошад, 114 медалӣ биринҷӣ ва 38 медалӣ тилло ба даст оварданд.
Дар охир аз тарафи мақомоти иҷроияи ҳокимияти давлатии ноҳия ва Бахши кор бо ҷавонон ва варзиши ноҳия 55 нафар мураббиёну варзишгарон ба ифтихорнома ва туҳфаҳо қадрдонӣ шуданд.

Умед МИРЗОЕВ, “ҶТ”