Дар маркази ВМКБ, шаҳри Хоруғ ба истиқболи ҷашни Истиқлолияти давлатии Ҷумҳурии Тоҷикистон дави миллӣ баргузор шуд, ки дар он беш аз се ҳазор нафар сокинони вилоят иштирок намуданд.

Дар ин чорабинии варзишӣ қатори наврасону ҷавонон, кормандони идораву муассисахои шаҳру навоҳии вилоят, сохторҳои қудратӣ ва шахсони собиқадори соҳаи варзиш  ширкат доштанд.

Дави миллӣ аз маҳаллаи Ғуломиддини Ғуломҳайдари Хоруғи боло то майдони Исмоили Сомонӣ, ки беш аз 3 километр масофаро ташкил медиҳад доир шуд.
  
Иштирокчиёни фаъоли чорабиниро Қимматгул Алибердиева, раиси шаҳри Хоруғ  бо тӯҳфаҳо ва ифтихорномаҳо  қадр кард.

Тавре Масрур Мирғарибов мудири Баҳши ҷавонон, варзиш ва сайёҳии шаҳри Хоруғ,  зимни сӯхбат изҳор дошт, дави милли тибқи нақша - чорабиниҳои Кумитаи ҷавонон рӯи кор омада,  ҳадаф аз баргузории он ҷалби ҳамаи қишрҳои аҳолии вилоят, бахусус ҷавонону наврасон ба беҳбудии ҳайёти солим, ваҳдату ягонагӣ ва оммавияти варзиш мебошад.