Бо мақсади муайян кардани беҳтарин дастпарвари мактаби варзишӣ дар ноҳияи Роштқалъа мусобиқаи ноҳиявӣ аз намуди тенниси рӯи миз доир гашт.

Дар он хонандагони синфҳои болоии мактабҳо дар ҳайати 7 дастаи мунтахаби мардонаву занонаи мактаби варзишӣ, таълимгоҳи № 12, мактаб – интернати ноҳиявӣ, мактабҳои № 26 ва 22 байни ҳам рақобат намуданд.

Аз рӯи холҳои даври ниҳоӣ дар ин чорабинии варзишӣ ҳар ду дастаи Мактаби таҳсилоти ҳамагонии № 26 бар ҳарифонаш дастболо шуда, ғолиби мусобиқа гардиданд.

Мактаби № 26 – Таълимгоҳи № 22 – 3 : 0

Ғолибон миёни мардон:
Насим Ёғибеков – Раҷабмамад Мародмамадов 2:1 (3:6, 6:3, 7:6)
Навиди Муҳиб – Алишоҳ Сафаров 2:0 ( 6:0, 6:1)
Навид Муқимов – Алиҷони Сафар 3:2 (11:5, 12:14, 11:7, 10:12, 11:9)

Мактаби № 26 – Мактаб – интернати ноҳивӣ

Ғолибон миёни занон:
Сабрина Кабутаршоева – Шаминаи Шанбе 2:1 (6:2, 1:6, 11:9)
Анҷела Мародмамадова – Судоба Нуриддиншоева 2:1 (7:4, 4:6, 5:2)
Анҷела Мародмамадова – Фарзия Меҳробшоева 2:0 (6:3, 6:2)

Ҳайати доварон Насим Ёғибеков, хонандаи синфи 11 ва Сабрина Кабутаршоева, хонандаи синфи 10 тарбиятгирандагони мактаби № 26 – ро аз даспарварони беҳтарини мактаби варзишӣ интихоб намуданд.

Ғолибон бо Ҷом, ифтихорнома ва тӯҳфаҳои хотиравии таъсиснамудаи Бахши ҷавонон, варзиш ва сайёҳии ноҳияи Роштқалъа сарфароз гардиданд.

Машҳур ИМОМНАЗАРОВ, “ҶТ”