Бо ташаббуси Бахши кор бо ҷавонон ва варзиш ва мақомоти иҷроияи шаҳри Қӯрғонтеппа бахшида ба Рӯзи варзишгарон ва “Соли ҷавонон” дар толори варзишии Литсейи давлатии №1-и шаҳр аз рӯи намуди шашка байни занон мусобиқа баргузор гардид.

Дар ин мусобиқа 20 даста аз маҳаллаҳои шаҳр байни ҳам қувваозмоӣ карда, беҳтаринҳо ба даври финалӣ роҳхат гирифтанд.

Дар натиҷа варзишгарони дастаи “Умари Хайём” маҳорати баланди варзишӣ нишон дода, ҷои аввалро соҳиб шуданд.

Варзишгарони маҳаллаҳои “Борбад” ва “Бобоҷон Ғафуров” ба гирифтани зинаҳои дуюм ва сеюм сазовор гардиданд.

Ба ғолибони мусобиқа ҷом, диплом ва туҳфаҳои хотиравии Бахши кор бо ҷавонон ва варзиши шаҳр тақдим карда шуд.

 Умед Мирзоев, “ҶТ”