Аз 20-ум то 23-юми феврал дар давлати Қазоқистон мусобиқаи байналмилалӣ оид ба бокс барои гиромидошти хотираи Манарбек Ихсанов баргузор гардид, ки муштзанони тоҷик дар он иштирок карданд.

Муштзанони ҷавони тоҷик дар мусобиқаи мазкур ба гирифтани 6 медал, 2 тилло ва 4 биринҷӣ мушарраф шуданд.

Аз миёни варзишгарони мо Беҳрӯз Умаров дар вазни 48 кг ва Амир Нозимов дар вазни 75 кг барандаи нишонҳои заррин гардиданд. Медалҳои биринҷиро бошад, дар ин мусобиқа аз ҳайати Тоҷикистон Фирӯзҷон Бойматов дар вазни 44 кг, Беҳрӯз Охунов 46 кг, Акбарҷон Абдуллоев 57 кг ва Ҷаҳонгир Рӯзибоев 80 кг ба даст оварданд. Ҳамчунин, Беҳрӯз Умаров беҳтарин муштзани мусобиқа эътироф гардид.

Қайд кардан ба маврид аст, ки дар мусобиқаи мазкур муштзанҳои ҷавони 5 кишвар - Русия, Қазоқистон, Қирғизистон, Узбекистон ва Тоҷикистон ширкат доштанд.

Ҳ. РАҲМАТУЛЛОЕВ, “ҶТ