ВАРЗИШ
Ҷумъа 13 Июн 2025 03:45
Соли 2024 барои таърихи футболи меҳан фаромӯшношуданӣ боқӣ хоҳад монд. Чун дар он мавсим як пешниҳоди Президенти Федератсияи футболи Тоҷикистон, муҳтарам Рустами Эмомалӣ ҳадафрас шуду як рӯзи тақвим ба футбол бахшида шуд.
Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ 9 феврали соли 2024 ба Созмони Милали Муттаҳид пешниҳод намуд, ки нақши футболро дар сатҳи ҷаҳон эътироф карда, дар Созмони Милали Муттаҳид аз тариқи қабули қатъномаи махсуси Маҷмаи Умумии Созмони Милали Муттаҳид “Рӯзи ҷаҳонии футбол” расман эълон карда шавад.
Муҳтарам Рустами Эмомалӣ дар пешниҳоди ҷониби Тоҷикистон ба СММ, аз ҷумла таъкид намуда буданд, ки: “Футбол ҳамчун маъмултарин намуди варзиш, ин падидаи фарҳанги умумиҷаҳониест, ки марзҳои миллӣ, монеаҳои забонӣ ва тафовутҳои иҷтимоиву иқтисодиро убур менамояд. Футбол як навъи варзишест, ҷаҳонро муттаҳид месозад ва бо забони универсалие сухан мегӯяд, ки ба ҳамагон маълум аст, яъне аз кӯчаҳои пур аз мухлиси шаҳрҳои бузург сар карда, то деҳаҳои дурдасттарини ҷаҳон футболро мешиносанду бозӣ мекунанд. Бо назардошти ин пешниҳод дорам, ки нақши футболро дар сатҳи ҷаҳонӣ эътироф намуда, дар Созмони Милали Муттаҳид аз тариқи қабули Қатъномаи махсуси Маҷмаи Умумии Созмони Милали Муттаҳид “Рӯзи ҷаҳонии футбол” расман эълон гардад”.
Ҳамин тариқ, 7 майи соли 2024 Маҷмаи умумии Созмони Милали Муттаҳид дар ҷаласаи 80-уми пленарии иҷлосияи 78-ум пешниҳоди Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон Рустами Эмомалиро доир ба эълони “Рӯзи ҷаҳонии футбол” пазируфта, вобаста ба он қатъномаи A/RES/78/281 қабул намуд. Дар қатънома аҳаммияти дар руҳияи сулҳ, ҳамфикрӣ, ҳамкории байналхалқӣ, дӯстӣ, таҳаммулпазирӣ ва бе ҳеҷ гуна табъиз баргузор намудани чорабиниҳои бузурги варзишӣ, ки онҳо хусусияти муттаҳидкунанда ва мусолиматомез доранд, таъкид гардидааст.
Ба ҳамин минвол, ҷомеаи ҷаҳонӣ ташаббуси Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон, муҳтарам Рустами Эмомалиро дар бораи рӯзи 25 майро эълон намудани “Рӯзи ҷаҳонии футбол” якдилона пазируфт.
Ин рӯйдоди таърихӣ ба назари коршиносони футболи кишвар таъсиргузору саривақтӣ арзёбӣ гардида, дар баланд бардоштани нуфузу эътибори футболи меҳан низ саҳми бориз гузошт.
Алишер Урунов, ноиби президенти Федератсияи футболи Тоҷикистон, иқдоми Президенти Федератсияи футболи Тоҷикистон, муҳтарам Рустами Эмомалиро дар таърихи футболи меҳан беназир унвон мекунад:
“Аз ҷониби ин Ташкилоти бонуфузи байналмилалӣ қабул гардидани пешниҳоди роҳбари футболи кишвар, пеш аз ҳама нуфуз ва эътибори Ҷумҳурии Тоҷикистонро дар арсаи байналмилалӣ зиёд менамояд. Муҳтарам, Рустами Эмомалӣ бо ин пешниҳоди худ бори дигар ба ҷаҳониён собит сохт, ки мардуми мо соҳиби тамаддун ва фарҳанги бой буда, Тоҷикистон кишвари сулҳпарвар, ташаббускор ва бунёдгузору созанда аст.
Ба ин тартиб, мо бо боварӣ гуфта метавонем, ки таҷлили бошукӯҳи “Рӯзи ҷаҳонии футбол” на танҳо ба рушди футбол дар Тоҷикистони азизи мо, балки ба пешрафти ин бозӣ дар тамоми дунё вусъати наву тоза мебахшад. Аз ин ба баъд, ҳамасола дар тамоми дунё дар доираи таҷлили “Рӯзи ҷаҳонии футбол” чорабиниҳои гуногуни фарҳангиву варзишӣ баргузор карда мешаванд, ки боварӣ дорам ин ҷашнвораи бузург боиси ифтихори ҳар тоҷику Тоҷикистонӣ аст”.
Директори генералии Лигаи олии футболи Тоҷикистон Сайвалӣ Дониёрзода иқдоми муҳтарам Рустами Эмомалиро дар оммавияткунии футбол ва рушди бештари он дар Тоҷикистон муфид арзёбӣ намуда, инчунин иқдоми мазкурро маҳаки асосӣ баҳри ҳавасмандии бештар барои дастгирии истеъдодҳои наврас медонад:
“Боиси ифтихор ва хушҳолист, ки бо ибтикори Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ соли гузашта Маҷмааи Умумии Созмони Милали Муттаҳид қатъномаро бобати 25 майро эълон кардани “Рӯзи ҷаҳонии футбол” қабул намуд. Барои Тоҷикистон, кишвари дорои анъанаҳои ғании футбол ва ҳадафҳои бузург дар арсаи байналмилалӣ ин рӯйдод аҳамияти хосса дорад.
Эълон шудани Рӯзи ҷаҳонии футбол барои оммавӣ ва рушди футбол дар кишвари мо имкониятҳои нав фароҳам меорад. Ин боиси ҳавасмандии бештар барои дастгирии истеъдодҳои наврас, рушди инфрасохтори варзишӣ, инчунин ташкили чорабиниҳои оммавӣ-футболӣ баҳри муттаҳид кардани мухлисон, бозингарон, мураббиён, ҷомеаи футболӣ ва намояндагони ВАО мебошад.
Рӯзи ҷаҳонии футбол барои дипломатияи варзишӣ ва обрӯи байналмилалии Тоҷикистон имконияти нав фароҳам меорад. Ин рӯйдод дурнамои навро дар соҳаи дипломатияи варзишӣ ва мавқеъгирии байналмилалӣ мекушояд. Футбол имрӯз беш аз як варзиш аст. Ин воситаи муассир барои таҳкими робитаҳои байни кишварҳо, тарғиби фарҳанг ва шаклгирии симои мусбати давлат дар арсаи ҷаҳонӣ мебошад.
Дар ин росто, Федератсияи футболи Тоҷикистон омодагии худро барои иштироки фаъолона дар татбиқи ҳадафҳои дар қарори Созмони Милали Муттаҳид зикргардида изҳор намуда, 25 май – рӯзи муттаҳидшавии тамоми ҷаҳон дар атрофи футболро бо камоли ифтихору хушнудӣ ҷашн мегирад”.
Бояд иқро шуд, ки имрӯз футбол ба унвони яке аз падидаҳои фарогири ҷаҳонӣ, нақши муассир дар таҳкими ҳамбастагии халқҳо, рушди дипломатияи мардумӣ ва тарғиби арзишҳои умумиинсонӣ дорад.
Ба андешаи Парвиз Нориён, директори Муассисаи давлатии “ТВ Варзиш” ташаббуси муҳтарам Рустами Эмомалӣ натанҳо дар рушди бемайлони футбол заминагузор аст, балки он реша дар таҳкими дипломатияи варзишӣ дорад:
“Ин ташаббус, ки реша дар таҳкими дипломатияи варзишӣ дорад, саҳми воқеии Ҷумҳурии Тоҷикистонро дар раванди татбиқи ҳадафҳои рушди устувори Созмони Милали Муттаҳид, бахусус дар самти солимгардонии ҷомеа, ҳифзи ҳуқуқи ҷавонон ва тақвияти дӯстиву сулҳ миёни миллатҳо бозтоб медиҳад.
Таҷлили ин рӯз на танҳо футболро чун як воситаи фароғатӣ муаррифӣ мекунад, балки ба он ҷойгоҳи муҳим дар раванди рушди иҷтимоӣ ва фарҳангии ҷаҳони муосир мебахшад. Он замина фароҳам меорад, то тавассути варзиш масъалаҳои мубрами иҷтимоӣ, аз қабили пешгирии зӯроварӣ, мубориза бо нажодпарастӣ ва таблиғи баробарҳуқуқӣ дар байни шаҳрвандон матраҳ ва ҳалли воқеӣ пайдо намоянд.
Бо ин иқдоми дурнигарона, Тоҷикистон бори дигар мавқеи худро ҳамчун кишвари ташаббускор дар саҳнаи байналмилалӣ ба намоиш гузошта, саҳмгузори рушди сулҳу субот ва ваҳдати умумибашарӣ тавассути футбол мегардад”.
Бобо Холмуродзода, шореҳи футбол бар он андеша аст, ки пешниҳодҳои ҷониби Тоҷикистон ба созмонҳои байналмилалӣ ҳамеша ҳадафмандона ва саривақтӣ мебошанд. Махсусан, иқдоми наҷиби муҳтарам Рустами Эмомалиро натанҳо барои варзишӣ тоҷик, балки таъсиргузор дар рушду нумуи варзиши сайёра унвон медиҳад:
“Ин иқдом бори дигар исбот менамояд, ки Тоҷикистон як кишвари ташаббускор дар арсаи байналмилалӣ буда, бо ин васила тамоми мардуми рӯйи оламро ба таҷлил аз ин рӯз даъват менамояд. Футбол дар ҷумҳурии мо сол аз сол рӯ ба рушд ниҳода, дастаҳои футболи мо ба натиҷаҳои баланд ноил шуда истодааст. Баромади дастаи яккачини кишварамон дар Ҷоми Осиё-2023 бори дигар исбот кард, ки бо роҳбарии Президенти ФФТ муҳтарам Рустами Эмомалӣ ба роҳи рост дар ин самт равонаем ва дар оянда натиҷаҳои аз ин ҳам баландтарро соҳиб мешавем. Танҳо бо эълон шудани “Рӯзи ҷаҳонии футбол” дар сартосари кишварамон мусобиқаҳои футбол миёни мактабҳои футбол, корхонаву муассисаҳо гузаронида мешавад, ки он бешубҳа ба оммавӣ намудани ин навъи варзиш замина мегузорад. Агарчӣ дар соли 2024 бо шарофати эълони ин санаи таърихӣ дар 12 минтақаи кишвар фестивалу чорабиниҳо доир шуда бошад, ҳоли ҳозир қариб дар ҳама манотиқи Тоҷикистон чорабинии сатҳи баланд доир мешавад. Имсол аллакай дар арафаи таҷлили ин ҷашн бозии дӯстонаи тимҳои собиқадорони футболи Тоҷикистон ва Русия доир мешавад ва таърихи 25-уми май дар шаҳри Ҳисор бозӣ барои дарёфти Суперҷоми Тоҷикистон миёни дастаҳои “Регар ТадАЗ” ва “Истиқлол” сурат мегирад, ки ба таҷлили “Рӯзи ҷаҳонии футбол” шукӯҳи дигар мебахшад”.
Бояд гуфт, эълон шудани “Рӯзи ҷаҳонии футбол” аз ҷониби ҷомеаи ҷаҳонӣ хуш пазируфта шуд ва дар матбуоти ҷаҳонӣ инъикоси васеъ ёфт. Чунончи, дар нашрияҳои маъруфи давлати Покистон, хусусан рӯзномаи “Ғазнавӣ” бо забонҳои англисӣ ва урду 9 майи соли 2024 зери унвони “Ташаббуси навбатии ҷаҳонии Тоҷикистон ҷонибдорӣ гардид” мақола интишор ёфт, ки ба ташаббуси ҷаҳонии Тоҷикистон - қабули “Рӯзи ҷаҳонии футбол” бахшида шудааст. Дар мақола ташаббуси ҷаҳонии кишвари мо шарҳу тавзеҳ ёфта, аҳаммияти бузурги он дар ташвиқи тарзи ҳаёти солим таъкид шудааст. Ҳамчунин, дар сомонаи интернетии маҷаллаи бонуфузи “Diva International”-и Женева таҳти унвони “Рӯзи ҷаҳонии футбол – ташаббуси навбатии ҷаҳонии Тоҷикистон ҷонибдорӣ карда шуд” мавод интишор шуд, ки ин ҳама далолат аз ташабусҳои таъсиргузори Тоҷикистон дар сатҳи байналмилалӣ медиҳад.
Беҳуда нагуфтаанд, ки як рӯзи хуб дар таърих як аср хотира мегузорад. Ҳамакнун иқдоми варзишдӯстонаи муҳтарам Рустами Эмомалӣ ҳам солҳо аз хотир зудуда нахоҳад шуд ва чандин насл барояш аҳсану офарин хоҳанд хонд!
Яҳё МАҲМАДНАБИЕВ, “ҶТ”
Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ 9 феврали соли 2024 ба Созмони Милали Муттаҳид пешниҳод намуд, ки нақши футболро дар сатҳи ҷаҳон эътироф карда, дар Созмони Милали Муттаҳид аз тариқи қабули қатъномаи махсуси Маҷмаи Умумии Созмони Милали Муттаҳид “Рӯзи ҷаҳонии футбол” расман эълон карда шавад.
Муҳтарам Рустами Эмомалӣ дар пешниҳоди ҷониби Тоҷикистон ба СММ, аз ҷумла таъкид намуда буданд, ки: “Футбол ҳамчун маъмултарин намуди варзиш, ин падидаи фарҳанги умумиҷаҳониест, ки марзҳои миллӣ, монеаҳои забонӣ ва тафовутҳои иҷтимоиву иқтисодиро убур менамояд. Футбол як навъи варзишест, ҷаҳонро муттаҳид месозад ва бо забони универсалие сухан мегӯяд, ки ба ҳамагон маълум аст, яъне аз кӯчаҳои пур аз мухлиси шаҳрҳои бузург сар карда, то деҳаҳои дурдасттарини ҷаҳон футболро мешиносанду бозӣ мекунанд. Бо назардошти ин пешниҳод дорам, ки нақши футболро дар сатҳи ҷаҳонӣ эътироф намуда, дар Созмони Милали Муттаҳид аз тариқи қабули Қатъномаи махсуси Маҷмаи Умумии Созмони Милали Муттаҳид “Рӯзи ҷаҳонии футбол” расман эълон гардад”.
Ҳамин тариқ, 7 майи соли 2024 Маҷмаи умумии Созмони Милали Муттаҳид дар ҷаласаи 80-уми пленарии иҷлосияи 78-ум пешниҳоди Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон Рустами Эмомалиро доир ба эълони “Рӯзи ҷаҳонии футбол” пазируфта, вобаста ба он қатъномаи A/RES/78/281 қабул намуд. Дар қатънома аҳаммияти дар руҳияи сулҳ, ҳамфикрӣ, ҳамкории байналхалқӣ, дӯстӣ, таҳаммулпазирӣ ва бе ҳеҷ гуна табъиз баргузор намудани чорабиниҳои бузурги варзишӣ, ки онҳо хусусияти муттаҳидкунанда ва мусолиматомез доранд, таъкид гардидааст.
Ба ҳамин минвол, ҷомеаи ҷаҳонӣ ташаббуси Президенти Ассотсиатсияи футболи Осиёи Марказӣ, Президенти Федератсияи футболи Тоҷикистон, муҳтарам Рустами Эмомалиро дар бораи рӯзи 25 майро эълон намудани “Рӯзи ҷаҳонии футбол” якдилона пазируфт.
Ин рӯйдоди таърихӣ ба назари коршиносони футболи кишвар таъсиргузору саривақтӣ арзёбӣ гардида, дар баланд бардоштани нуфузу эътибори футболи меҳан низ саҳми бориз гузошт.
Алишер Урунов, ноиби президенти Федератсияи футболи Тоҷикистон, иқдоми Президенти Федератсияи футболи Тоҷикистон, муҳтарам Рустами Эмомалиро дар таърихи футболи меҳан беназир унвон мекунад:
“Аз ҷониби ин Ташкилоти бонуфузи байналмилалӣ қабул гардидани пешниҳоди роҳбари футболи кишвар, пеш аз ҳама нуфуз ва эътибори Ҷумҳурии Тоҷикистонро дар арсаи байналмилалӣ зиёд менамояд. Муҳтарам, Рустами Эмомалӣ бо ин пешниҳоди худ бори дигар ба ҷаҳониён собит сохт, ки мардуми мо соҳиби тамаддун ва фарҳанги бой буда, Тоҷикистон кишвари сулҳпарвар, ташаббускор ва бунёдгузору созанда аст.
Ба ин тартиб, мо бо боварӣ гуфта метавонем, ки таҷлили бошукӯҳи “Рӯзи ҷаҳонии футбол” на танҳо ба рушди футбол дар Тоҷикистони азизи мо, балки ба пешрафти ин бозӣ дар тамоми дунё вусъати наву тоза мебахшад. Аз ин ба баъд, ҳамасола дар тамоми дунё дар доираи таҷлили “Рӯзи ҷаҳонии футбол” чорабиниҳои гуногуни фарҳангиву варзишӣ баргузор карда мешаванд, ки боварӣ дорам ин ҷашнвораи бузург боиси ифтихори ҳар тоҷику Тоҷикистонӣ аст”.
Директори генералии Лигаи олии футболи Тоҷикистон Сайвалӣ Дониёрзода иқдоми муҳтарам Рустами Эмомалиро дар оммавияткунии футбол ва рушди бештари он дар Тоҷикистон муфид арзёбӣ намуда, инчунин иқдоми мазкурро маҳаки асосӣ баҳри ҳавасмандии бештар барои дастгирии истеъдодҳои наврас медонад:
“Боиси ифтихор ва хушҳолист, ки бо ибтикори Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ соли гузашта Маҷмааи Умумии Созмони Милали Муттаҳид қатъномаро бобати 25 майро эълон кардани “Рӯзи ҷаҳонии футбол” қабул намуд. Барои Тоҷикистон, кишвари дорои анъанаҳои ғании футбол ва ҳадафҳои бузург дар арсаи байналмилалӣ ин рӯйдод аҳамияти хосса дорад.
Эълон шудани Рӯзи ҷаҳонии футбол барои оммавӣ ва рушди футбол дар кишвари мо имкониятҳои нав фароҳам меорад. Ин боиси ҳавасмандии бештар барои дастгирии истеъдодҳои наврас, рушди инфрасохтори варзишӣ, инчунин ташкили чорабиниҳои оммавӣ-футболӣ баҳри муттаҳид кардани мухлисон, бозингарон, мураббиён, ҷомеаи футболӣ ва намояндагони ВАО мебошад.
Рӯзи ҷаҳонии футбол барои дипломатияи варзишӣ ва обрӯи байналмилалии Тоҷикистон имконияти нав фароҳам меорад. Ин рӯйдод дурнамои навро дар соҳаи дипломатияи варзишӣ ва мавқеъгирии байналмилалӣ мекушояд. Футбол имрӯз беш аз як варзиш аст. Ин воситаи муассир барои таҳкими робитаҳои байни кишварҳо, тарғиби фарҳанг ва шаклгирии симои мусбати давлат дар арсаи ҷаҳонӣ мебошад.
Дар ин росто, Федератсияи футболи Тоҷикистон омодагии худро барои иштироки фаъолона дар татбиқи ҳадафҳои дар қарори Созмони Милали Муттаҳид зикргардида изҳор намуда, 25 май – рӯзи муттаҳидшавии тамоми ҷаҳон дар атрофи футболро бо камоли ифтихору хушнудӣ ҷашн мегирад”.
Бояд иқро шуд, ки имрӯз футбол ба унвони яке аз падидаҳои фарогири ҷаҳонӣ, нақши муассир дар таҳкими ҳамбастагии халқҳо, рушди дипломатияи мардумӣ ва тарғиби арзишҳои умумиинсонӣ дорад.
Ба андешаи Парвиз Нориён, директори Муассисаи давлатии “ТВ Варзиш” ташаббуси муҳтарам Рустами Эмомалӣ натанҳо дар рушди бемайлони футбол заминагузор аст, балки он реша дар таҳкими дипломатияи варзишӣ дорад:
“Ин ташаббус, ки реша дар таҳкими дипломатияи варзишӣ дорад, саҳми воқеии Ҷумҳурии Тоҷикистонро дар раванди татбиқи ҳадафҳои рушди устувори Созмони Милали Муттаҳид, бахусус дар самти солимгардонии ҷомеа, ҳифзи ҳуқуқи ҷавонон ва тақвияти дӯстиву сулҳ миёни миллатҳо бозтоб медиҳад.
Таҷлили ин рӯз на танҳо футболро чун як воситаи фароғатӣ муаррифӣ мекунад, балки ба он ҷойгоҳи муҳим дар раванди рушди иҷтимоӣ ва фарҳангии ҷаҳони муосир мебахшад. Он замина фароҳам меорад, то тавассути варзиш масъалаҳои мубрами иҷтимоӣ, аз қабили пешгирии зӯроварӣ, мубориза бо нажодпарастӣ ва таблиғи баробарҳуқуқӣ дар байни шаҳрвандон матраҳ ва ҳалли воқеӣ пайдо намоянд.
Бо ин иқдоми дурнигарона, Тоҷикистон бори дигар мавқеи худро ҳамчун кишвари ташаббускор дар саҳнаи байналмилалӣ ба намоиш гузошта, саҳмгузори рушди сулҳу субот ва ваҳдати умумибашарӣ тавассути футбол мегардад”.
Бобо Холмуродзода, шореҳи футбол бар он андеша аст, ки пешниҳодҳои ҷониби Тоҷикистон ба созмонҳои байналмилалӣ ҳамеша ҳадафмандона ва саривақтӣ мебошанд. Махсусан, иқдоми наҷиби муҳтарам Рустами Эмомалиро натанҳо барои варзишӣ тоҷик, балки таъсиргузор дар рушду нумуи варзиши сайёра унвон медиҳад:
“Ин иқдом бори дигар исбот менамояд, ки Тоҷикистон як кишвари ташаббускор дар арсаи байналмилалӣ буда, бо ин васила тамоми мардуми рӯйи оламро ба таҷлил аз ин рӯз даъват менамояд. Футбол дар ҷумҳурии мо сол аз сол рӯ ба рушд ниҳода, дастаҳои футболи мо ба натиҷаҳои баланд ноил шуда истодааст. Баромади дастаи яккачини кишварамон дар Ҷоми Осиё-2023 бори дигар исбот кард, ки бо роҳбарии Президенти ФФТ муҳтарам Рустами Эмомалӣ ба роҳи рост дар ин самт равонаем ва дар оянда натиҷаҳои аз ин ҳам баландтарро соҳиб мешавем. Танҳо бо эълон шудани “Рӯзи ҷаҳонии футбол” дар сартосари кишварамон мусобиқаҳои футбол миёни мактабҳои футбол, корхонаву муассисаҳо гузаронида мешавад, ки он бешубҳа ба оммавӣ намудани ин навъи варзиш замина мегузорад. Агарчӣ дар соли 2024 бо шарофати эълони ин санаи таърихӣ дар 12 минтақаи кишвар фестивалу чорабиниҳо доир шуда бошад, ҳоли ҳозир қариб дар ҳама манотиқи Тоҷикистон чорабинии сатҳи баланд доир мешавад. Имсол аллакай дар арафаи таҷлили ин ҷашн бозии дӯстонаи тимҳои собиқадорони футболи Тоҷикистон ва Русия доир мешавад ва таърихи 25-уми май дар шаҳри Ҳисор бозӣ барои дарёфти Суперҷоми Тоҷикистон миёни дастаҳои “Регар ТадАЗ” ва “Истиқлол” сурат мегирад, ки ба таҷлили “Рӯзи ҷаҳонии футбол” шукӯҳи дигар мебахшад”.
Бояд гуфт, эълон шудани “Рӯзи ҷаҳонии футбол” аз ҷониби ҷомеаи ҷаҳонӣ хуш пазируфта шуд ва дар матбуоти ҷаҳонӣ инъикоси васеъ ёфт. Чунончи, дар нашрияҳои маъруфи давлати Покистон, хусусан рӯзномаи “Ғазнавӣ” бо забонҳои англисӣ ва урду 9 майи соли 2024 зери унвони “Ташаббуси навбатии ҷаҳонии Тоҷикистон ҷонибдорӣ гардид” мақола интишор ёфт, ки ба ташаббуси ҷаҳонии Тоҷикистон - қабули “Рӯзи ҷаҳонии футбол” бахшида шудааст. Дар мақола ташаббуси ҷаҳонии кишвари мо шарҳу тавзеҳ ёфта, аҳаммияти бузурги он дар ташвиқи тарзи ҳаёти солим таъкид шудааст. Ҳамчунин, дар сомонаи интернетии маҷаллаи бонуфузи “Diva International”-и Женева таҳти унвони “Рӯзи ҷаҳонии футбол – ташаббуси навбатии ҷаҳонии Тоҷикистон ҷонибдорӣ карда шуд” мавод интишор шуд, ки ин ҳама далолат аз ташабусҳои таъсиргузори Тоҷикистон дар сатҳи байналмилалӣ медиҳад.
Беҳуда нагуфтаанд, ки як рӯзи хуб дар таърих як аср хотира мегузорад. Ҳамакнун иқдоми варзишдӯстонаи муҳтарам Рустами Эмомалӣ ҳам солҳо аз хотир зудуда нахоҳад шуд ва чандин насл барояш аҳсану офарин хоҳанд хонд!
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед