Дастпарварони Муассисаи давлатии мактаби варзишии шаҳри Леваканти вилояти Хатлон дар чемпионатҳои ҷумҳуриявӣ ва осиёӣ ширкат намуда, 30 медал ба даст овардаанд. Дар ин бора аз мактаби варзишии шаҳри Левакант иттилоъ доданд.

Манбаъ иттилоъ медиҳад, ки аз 27-уми октябр то имрӯз 30 дастпарвари Муассисаи давлатии мактаби варзишии шаҳри Левакант, бо мураббиёнашон дар чемпионатҳои ҷумҳуриявӣ ва осиёӣ аз намуди “Ушу” байни наврасону калонсолон дар шаҳри Хуҷанди вилояти Суғд қарор доштанд ва ҳамаи онҳо бо дастовардҳо баргаштанд.

Гуфта мешавад, ки дар Чемпионати ҷумҳуриявии “Ушу” варзишгарон, 11 медали тилло, 6 нуқра ва 3 биринҷиро ба даст оварданд. Дар чемпионати Осиёии “Ушу” бошад, 5 тилло, 2 нуқра ва 3 биринҷиро соҳиб шуданд, ки ин натиҷаи хуб барои варзишгарони шаҳр арзёбӣ мегардад.