Баҳри гиромидошти хотираи варзишгарони шинохтаи Ҷумҳурии Тоҷикистон Алихон Ғуломайдархонов ва Карим Халилов дар варзишгоҳи маҳаллаи Теми шаҳри Хоруғ мусобиқаи гуштин аз намуди ҷудо баргузор гардид.

Дар мусобиқаи мазкур 330 варзишгари ҷавону навраси ВМКБ, дар вазнҳои гуногун байни ҳам рақобат намуда, унвони қаҳрамониро 60 нафар ба даст оварданд. Дар ҷамъбасти мусобиқа, ғолибон бо ифтихорномаву мукофоти Бахши кор бо ҷавонон ва варзиши шаҳри Хоруғ қадрдонӣ шуданд.

Бино ба иттилои мудири Бахш Имомёрбек Имомёрбеков, ин чорабини бо ташаббуси ҷавонони маҳалла дар ҳамкори бо Бахш, бахшида ба ифтихори Рӯзи артиши миллии кишвар доир гардид.