Аз 6-ум то 9-уми май дар шаҳри Софияи кишвари Булғористон мусобиқаи ниҳоии интихобӣ оид ба гӯштин барои ба даст овардани роҳхати Бозиҳои олимпии Токио баргузор мешавад.

Аз кишвари мо ба ин мусобиқа 7 варзишгар аз намуди гӯштини тарзи озод ва гӯштини юнонӣ-румӣ сафарбар шудаанд, ки инҳоянд: аз намуди гӯштини тарзи озод Муҳаммад Икромов – 57 кг, Мустафо Ахмедов – 65 кг, Баҳодур Қодиров – 86 кг, Искандари Рустам – 125 кг ва дар намуди гӯштини юнонӣ-румӣ Фирӯз Мирзораҷабов - 60 кг, Далер Ризозода – 77 кг ва Суҳроб Абдулҳаев – 87 кг.

Тибқи иттилои сомонаи расмии Иттиҳоди ҷаҳонии гӯштин, барои ба даст овардани 36 роҳхати охирини Бозиҳои олимпии Токио 474 варзишгар аз 84 давлати дунё рақобат хоҳанд кард.

И. АМАКҶОНОВ, “ҶТ”