ВАРЗИШ
Чоршанбе 16 Октябр 2019 06:48
6456
Санаи 2-юми октябри соли ҷорӣ дар Қасри варзиши шаҳри Хуҷанд​ маросими кушодашавии​ 7-умин мусобиқаи байналмилалӣ оид ба дзюдо барои дарёфти Ҷоми Президенти Ҷумҳурии​ Тоҷикистон баргузор гардид.

Дар маросими кушодашавии мусобиқаи бонуфузи байналмилалӣ раиси вилояти Суғд Раҷаббой Аҳмадзода, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилшод Назаров, раиси Федератсияи дзюдои Тоҷикистон Нурулло Лоиқов, ноиби Президенти Федератсияи байналмилалии дзюдо Виктор Флореску ва дигар меҳмонон иштирок намуданд.

Раҷаббой Аҳмадзода, раиси вилояти Суғд зимни суханронии худ ​ меҳмонон ва иштирокчиёни мусобиқаи байналмилалӣ барои дарёфти​ Ҷоми Президенти​ Ҷумҳурии Тоҷикистон оид ба гўштини дзюдоро ба сарзамини қадиму ҳамешаҷавон ва меҳмоннавози Суғд хайрамақдам гуфта, таъкид кард, ки дар даврони Истиқлолияти давлатии Ҷумҳурии Тоҷикистон маҳз бо ташаббус ва ғамхориҳои Асосгузори сулҳу ваҳдати миллӣ – Пешвои​ миллат, Президенти​ Ҷумҳурии Тоҷикистон муҳтарам Эмомалӣ Раҳмон ба рушди соҳаи варзиш аҳамияти хоса дода шуда, дар ин самт як қатор иқдомҳо роҳандозӣ шуда истодаанд. Мавриди истифода қарор додани иншооти гуногуни варзишӣ, аз ҷумла толор ва қасрҳои варзишӣ, майдончаҳои варзишӣ ва ҳавзҳои шиноварӣ, рўзи шанбе эълон шудани “Рўзи варзиш”, ташкили мусобиқаҳои оммавии варзишӣ ва дигар чорабиниҳое, ки ба ин самт нигаронида шудаанд, гувоҳи гуфтаҳои боло мебошанд.

Дар мусобиқаи байналмилалӣ оид ба гўштини дзюдо барои дарёфти Ҷоми Президенти Ҷумҳурии Тоҷикистон зиёда аз 200 нафар варзишгарони кишварҳои минтақа иштирок доранд.

Мусобиқаи байналмилалӣ аз рӯи ҳафт категорияи вазнӣ миёни мардон: -60кг, -66кг, -73кг, -81кг, -90кг, -100кг, +100кг гузаронида шуда, он то 5 октябр идома меёбад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.