ВАРЗИШ
Якшанбе 18 Август 2019 09:55
6360
Дар толори мақомоти иҷроияи ҳокимияти давлатии шаҳри Гулистон бахшида ба Рӯзи варзишгарон ҷамъомади ботантана доир гардид. 

Ғайрат Оқилзода, муовини раиси шаҳри Гулистон нахуст табрикоти раиси шаҳрро ба ифтихори Рӯзи варзишгарон ба самъи иштирокчиён расонида, баъдан зикр намуд, ки дар заминаи сиёсати иҷтимоии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон намудҳои гуногуни варзиш дар  кишвар рушд намуда, варзишгарони  тоҷик имкон пайдо намуданд, ки дар мусобиқаҳои гуногуни сатҳи байналмилалӣ иштирок намоянд.

“Бо мақсади солимгардонии ҷисмонии насли наврас дар шаҳр як мактаби варзишии бачагона ва наврасон фаъолият дорад. Дар мактаби варзишӣ аз рӯи қариб 10 намуди варзиш сексияҳо амал менамоянд. Баҳри оммавигардонии варзиш ва тарғиби тарзи ҳаёти солим дар ҳудуди шаҳр 51 майдончаи варзишӣ ва 34 майдончаи бозии кӯдакона, 6 ҳавзи шиноварӣ, 9 варзишгоҳ, 25 толори варзишӣ амал мекунанд, ки дар як вақт имконияти қабули беш аз 1200 нафар наврасону ҷавононро доро мебошанд”, - гуфта шуд дар идома.

Ба таъкиди масъулин бахшида ба истиқболи 30-солагии Истиқлолияти давлатии Ҷумҳурии Тоҷикистон сохтмону бунёд ва азнавсозии беш аз 30 толору майдончаҳои варзишӣ ва бозии кӯдакона ба нақша гирифта шуда, дар давоми шаш моҳи соли равон 6 майдончаи варзишӣ ба маблағи 1,7 миллион сомонӣ сохта ва ба истифода дода шуданд. Бо истифода аз ин имкониятҳо варзишгарони шаҳр дар давоми нимсолаи якуми соли равон дар 9 мусобиқаҳои дохилимактабӣ ба гирифтани 511 медал, дар 15 мусобиқаҳои шаҳрӣ ба гирифтани 208 медал, дар 5 мусобиқаҳои вилоятӣ ба гирифтани 34 медал, дар 2 мусобиқаи ҷумҳуриявӣ ба гирифтани 48 медал, 1 чемпионати ҷумҳуриявӣ ба гирифтани 3 медал мушарраф гардиданд. Аз теъдоди умумии медалҳо 289 медали тилло, 261 медали нуқра ва 254 медали биринҷӣ мебошанд. Дар маҷмӯъ варзишгарони гулистонӣ давоми шаш моҳи аввали соли 2019 соҳиби 804 медал гардиданд. 

Дар интиҳо ба собиқадорони соҳаи варзиш ва варзишгарони варзида сипоснома ва туҳфаҳои мақомоти иҷроияи ҳокимияти давлатии шаҳр дар вазъияти тантанавӣ супорида шуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.