Дар ноҳияи Шуғнон бо ташаббуси Бахши кор бо ҷавонон ва варзиши ноҳия миёни шаш дастаи ризокорону ҷавонон мусобиқаи волейбол оғоз гардид.

Тавре Аҳмад Мамадбунаев, мудири бахш иттилоъ дод, дар баробари мусобиқаи дӯстона миёни ризокорон инчунин бозиҳои интеллектуалӣ аз қабили викторинаи саволу ҷавоб гузашта, ба ғолибон туҳфаҳои гуногун тақдим шуд.

Ҳадаф аз баргузории чорабиниҳо рӯ ба солимӣ овардани ҳамаи ҷавонон, пешгирӣ кардани паҳншавии вируси норасоии масъунити одам ва таҳкими истеъдоду қобилияти зеҳнии наслҳо мебошад.