"Истиқлол"-и Душанбе ва "Ҳосилот"-и Фархор дар вохуриҳои аввали даври нимфинали Ҷоми Тоҷикистон, ки 1 октябр баргузор шуд, ғалаба карданд.

Футболбозони "Истиқлол" ба дарвозаи "Равшан" 4 голи беҷавоб заданд. Дар ин вохӯрӣ Манучеҳр Ҷалилов ду гол, Дэвид Мавутор ва Нозим Бобоҷонов якголӣ ба ҳадаф расонданд.

Дар бозии дигар "Ҳосилот" тими "Хуҷанд"-ро бо ҳисоби 4:2 шикаст дод. Антиқаҳрамон ҳимотягари "Хуҷанд" Шоҳрух Раҷабматов шуд. Ӯ ду маротиба тӯбро вориди дарвозаи дастааш кард. Ду голи дигари тими Фархорро Ҳасан Рустамов ва Комил Саидов заданд. Голҳои "Хуҷанд"-ро Илҳомҷон Баротов ва Манучеҳр Аҳмадов вориди дарвозаи ҳариф карданд.