19-уми октябр Раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ ҷоизадорони 19-умин Бозиҳои осиёиро ба ҳузур паҳзируфта, бо мукофотҳо қадрдонӣ кард.

Аз рӯи тартиби мукофотҳо ба Сомон Маҳмадбеков ва Давлат Болтаев барои сазовор гаштан ба нишони тиллои Бозиҳои осиёии Ҳангжоу-2022 калиди хонаиҳои 3-ҳуҷрадор супорида шуд.
Ба Темур Раҳимов барандаи нишони нуқра калиди хонаи 2-ҳуҷрадор тақдим гардид.

Ба барандагони нишони биринҷии 19-умин Бозиҳои осиёӣ – Миҷгона Самадова, Беҳрӯз Хоҷазода, Хайрандеш Муродзода ва Ҳақназар Назаров калиди хонаи 1-ҳуҷрадор инъом гашт.

Бояд қайд кард, ки Бозиҳои осиёии Ҳангжоу – 2022 аз 23-юми сентябр то 8-уми октябри соли равон баргузор гардид. Дар ин мусобиқаи бонуфузи осиёи 138 варзишгар аз 18 риштаи варзиш Тоҷикистонро намояндагӣ карда, ба гирифтани 7 медал мушарраф гаштанд.