ВАРЗИШ
Ҷумъа 19 Апрел 2024 01:28
Имрӯз дар ҷаҳон кам нестанд кишварҳое, ки маҳз бо шарофати варзишгаронашон шинохта шудаанд. Ҳамакнун сухан бобати нафаре меравад, ки дар умри ҷавони худ 11 маротиба медали тиллои қаҳрамонии ҷаҳон ва 8 маротиба медали тиллои бозиҳои олимпиро ба даст овардааст.
Усейн Сент Лео Болт. Ӯ соли 1986 дар шаҳри Трелауни Ямайка ба дунё омадааст. Соли 2001 ӯ аввалин медали варзиши сабукро ба даст овард. Дар чемпионати мактабҳои миёнаи Ямайка, дар давидан ба масофаи 200 метр бо натиҷаи 22.04 сония мақоми дуввумро касб кард. Ин аввалин қадами Усейн дар ин ҷода буд.
Сипас Усейн соли 2001 дар мусобиқаи байналмилалии “CARIFTA” тавонист, миёни наврасон зинаи ифтихориро касб кунад. Ӯ дар масофаи 200 метр бо натиҷаи 21.81 с ва 400 метр бо натиҷаи 48.28 с ду ҷои дуюмро ишғол кард. Пас аз се моҳ дар ҳайати дастаи мунтахаби Ямайка ба чемпионати ҷаҳонии наврасон ба Маҷористон рафт.
Аввалин рақобати бузургаш соли 2002 дар Бозиҳои 31-уми “CARIFTA” дар Нассау буд. Дар он ҷо варзишгар масофаҳои 200, 400 ва эстафетаи 4 × 400 метрро дар байни ҷавонони то 17-сола ғолиб омада, дар маросими супоридани беҳтарин ҷоизаи сол ба варзишгарони ҷаҳон аз рӯи “IAAF”, дар номинатсияи “Ситораи тулӯъ” беҳтарин ҳисобида шуд.
КАРЙЕРАИ КАСБӢ ВА АВВАЛИН РЕКОРДИ ҶАҲОНӢ
Ӯ соли 2004 дар Бозиҳои “CARIFTA” дар Девоншир масофаи 200 метрро тай кард. Ин натиҷа рекорди нави ҷаҳонӣ дар байни наврасон гардид. Усейн аз рекорди давандаи амрикоӣ Рой Мартин, ки соли 1985 муқаррар шуда буд, пеш гузашта, аввалин наврасе гардид, ки 200 метрро дар камтар аз 20 сония тай кард.
Дар оғози мавсими варзишии соли 2005 Усейн узви гурӯҳи омӯзишии Глен Миллс шуд. Аввалин коре, ки мураббии нави ӯ кард, ҷустуҷӯи сабабҳои ҷароҳатҳои сершумори давандаи навкор буд. Глен Миллс Усейнро барои муоина фиристод, табибон дар ӯ сколиоз (каҷравии сутунмӯҳра)-ро ташхис карданд ва муайян карданд, ки пои рости ӯ аз чапаш ним дюйм (тақрибан 1,3 см) кӯтоҳтар аст. Онҳо тавсия доданд, ки шояд аз варзиш даст кашад. Пас аз табобат Болт ба тамрин шурӯъ карда, 26 июн дар масофаи 200 метр бо натиҷаи 20.27 сония қаҳрамони Ямайка шуд. 30 июл ӯ бо натиҷаи 20.28 сония барандаи Спайши тиллоӣ гардид. Соли 2007 Болт қаҳрамони чемпионати Ямайка шуда, бо ҳисоби 19,75 ғолиб шуд. Ҳамин тариқ, вай рекорди миллии Дон Куарри 19.86 сонияро, ки аз соли 1971 инҷониб нигоҳ дошта мешуд, шикаст. Ин пирӯзӣ ба ӯ имкон дод, ки дар чемпионати ҷаҳон дар Осака ба ҳайати дастаи мунтахаб дохил шавад.
БОЗИҲОИ ОЛИМПӢ
Аввали моҳи август Усейн эълом дошт, ки дар Бозиҳои олимпии Пекин 2008 дар масофаҳои 100 ва 200 метр ширкат меварзад. Вай баромади худро дар Бозиҳои олимпӣ 15 август оғоз намуда, дар мусобиқаи интихобӣ ба масофаи 100 метр (10.20), даври чорякфиналӣ (9.92) ва нимфинал (9.85) ғолиб омад. 16 август дар сабқати ниҳоӣ аввалин медали тиллои олимпиро ба даст оварда, бо сабти нави рекорди ҷаҳонии 9,69 ғолиб шуд. 20 августи соли 2008 Болт дуввумин медали тиллои олимпиро ба даст оварда, дар масофаи 200 метр бо 19.30 ғолиб омада, аз рекорди ҷаҳонии Майкл Ҷонсон бо 0.02 сония пеш гузашт. 22 август Усейн сеюмин медали тиллои худро дар Олимпиадаи Пекин ба даст овард.
Оғози асосии мавсими соли 2009 чемпионати ҷаҳон дар Берлин буд. Дар ин чемпионат Усейн дар масофаҳои 100 ва 200 метр, инчунин дар эстафетаи 4×100 метр ҳунарнамоӣ кард. Дар давоми давидан ба масофаи 100 метр Усейн дар сабқати интихобӣ ғолиб омад. 16 август ӯ бо сабти нави ҷаҳонии 9.58 сония дар сабқати ниҳоӣ ғолиб шуд ва рекорди ҷаҳонии худро бо ин натиҷа гузошт, ки он то моҳи январи соли 2019 бетағйир боқӣ мондааст. Барои гузоштани рекорди ҷаҳонӣ ӯ ба маблағи 100,000 доллари иловагӣ гирифт. Ҳангоми давидан ӯ аввалан 60 метр масофаро дар 6.31 сония тай карда, рекорди ҷаҳонии Морис Гринро, ки бо натиҷаи 6,39 с буд, шикаст. 20 август дар финал ӯ рекорди ҷаҳонии худро дар давидан ба масофаи 200 метр такмил дода, бо натиҷаи 19.19 ғолиб шуд. Барои ин пирӯзӣ ӯ 160 000 доллар гирифт, ки аз он 60 000 доллар барои пирӯзӣ ва 100 000 доллар ҳамчун мукофот барои рекорди ҷаҳонӣ аз TDK. Рақобати охирини мавсим барои ӯ ниҳоии варзиши сабуки ҷаҳонӣ буд, ки дар сабқати давидан ба масофаи 200 метр бо сабти нави сабқати 19.68 пирӯз шуд. Дар натиҷа, ӯ соли 2009 дар ҳама мусобиқаҳое, ки дар он ӯ ҳунарнамоӣ мекард, пирӯз шуд. Дар охири сол, аз рӯи “IAAF” беҳтарин варзишгари ҷаҳон шинохта шуд.
23 майи соли 2010 дар Гран-прии тиллоии Шанхай бо натиҷаи 19.76с масофаи 200 метрро тай кард. Усейн аввалин шикасти худро дар ду соли охир гирифт. Вай дар давидан ба масофаи 100 метр бо натиҷаи 9,97 сония дар ҷои дуввум қарор гирифт ва аз Тайсон Гей, ки бо натиҷаи 9,84 сония пирӯз шуд, мағлуб гардид.
УСЕЙН БОЛТ - БЕҲТАРИН ВАРЗИШГАРИ СОЛ
Болт мавсими варзишии 2011-ро бо иштирок дар марҳилаи “Diamond League” дар Рум, “Samsung DL Golden Gala” оғоз кард. 31 май дар озмуни 50-уми Шиповкаи тиллоӣ дар Острава ширкат варзида, бо натиҷаи 9,91 бори дигар ғолиб омад. Ҳамин тариқ, мавсими варзишии соли 2012-ро бо иштирок дар марҳилаи хонагии “IAAF World Challenge - Jamaica International Invitational” оғоз кард. Дар ин мусобиқаҳо ӯ дар давидан ба масофаи 100 метр баромад кард, ки бо натиҷаи 9,82 ғолиб омад. 26 июл маълум шуд, ки Усейн дар маросими ифтитоҳи Бозиҳои олимпии 2012 дар Лондон байрақбардори дастаи Ямайка буд. 4 август ӯ фаъолияти худро дар олимпиада оғоз кард ва дар он рӯз дар дави пешакии 100 метр ғолиб шуд. Рӯзи дигар ӯ дар нимфинал пирӯз шуд - 9.87 сония. Пас аз се соат, ӯ қаҳрамони чаҳоркаратаи олимпӣ шуд ва дар сабқати ниҳоӣ бо сабти нави олимпии 9,63 пирӯз шуд. Вай пас аз Карл Люис, ки тавонист унвони қаҳрамони олимпиро дар давидан ба масофаи 100 метр дифоъ кунад, дар таърих дуввумин варзишгар гардид, ки бо дастёбии чунин натиҷа мушарраф гардад. 9 август ӯ медали тиллои дуюми худро дар ин Бозиҳои олимпӣ ба даст меорад. Вай инчунин дар таърих ягона нафаре гардид, ки тавонист дар ду олимпиада пай дар пай масофаи 200 метрро ғолиб ояд. Пас аз ин пирӯзӣ, вай дар як нишасти матбуотӣ бо намояндагони ВАО талаб кард, ки ӯро “афсонаи зинда” номанд.
Рақобати навбатӣ чемпионати Ямайка буд, ки дар натиҷа ҳайати дастаи мунтахаби чемпионати ҷаҳон дар Маскав ба анҷом расид. 21 июн Болт бо натиҷаи 9,94 дар чемпионати кишвар ба масофаи 100 метр ғолиб шуд. Дар натиҷа, дастаи Ямайка бо натиҷаи беҳтарини мавсим дар ҷаҳон пирӯз шуд ва барои худи Болт ҳаштумин медали тилло дар чемпионати ҷаҳонро ба даст гирифт.
Усейн Болт вазифаи асосии худро дар Бозиҳои олимпии Рио-де-Жанейро гузоштани рекорди нави ҷаҳонӣ дар масофаи 200 метр ҳисоб кард. Ӯ ҳамчунин изҳор дошта буд, ки ният дорад, пас аз анҷоми Бозиҳои олимпӣ ва чемпионати ҷаҳони соли 2017 корномаи варзишии худро ҷамъбаст мекунад.
23 август Усейн дар ёдбуди Камила Сколимовска дар Варшава ширкат варзид. Вай бо сабти нави рекорди ҷаҳонии 9,98 дар пойга дар масофаи 100 метр ғолиб шуд. Ҳамин тариқ, ӯ аз рекорди қаблии Фрэнки Фредерикс, ки дар соли 1996 муқаррар шуда буд, пеш гузашт. 24 август ӯ эълон кард, ки мавсими ҷориро ба охир мерасонад, то худро аз ҷароҳатҳои минбаъда муҳофизат кунад.
2 феврали соли 2017 маълум шуд, ки Усейн Болт пас аз Ҷоми ҷаҳонии 2017 карераи варзишии худро хотима доданист. 5 августи соли 2017 бо натиҷаи 9,95 ӯ дар мусобиқаи 16-уми ҷаҳонии варзиши сабук, ки дар Лондон баргузор шуд, дар давидан ба масофаи 100 метр севум шуд. 12 августи соли 2017 Болт дар марҳилаи охирини эстафетаи 4×100м захмӣ шуд ва бо ҳамин корномаи варзишии худро ҷамъбаст намуд.
Дар тӯли фаъолияти худ Болт 45 маротиба масофаи 100 метрро дар камтар аз 10 сония ва 31 маротиба дар мусобиқаҳои расмӣ масофаи 200 метрро дар камтар аз 20 сония давидааст.
Профессори биологияи Донишгоҳи Стэнфорд Марк Денни чунин мешуморад, ки ҳеҷ зарурате ба шарҳи суръати фавқулоддаи ӯ нест. “Усейн Болт бахти баланд дошт, табиат ба ӯ истеъдоди беназир ато кард”.
Имрӯз Усейн Болт дар корномаи варзишии худ ҳашт карат чемпиони Бозиҳои Олимпӣ ва 11 карат чемпиони ҷаҳонро сабт кардааст. Айни замон дорандаи рекордҳои ҷаҳонӣ дар давидан ба масофаи 100 - 9.58 с; ва 200 метр - 19.19 с, инчунин дар эстафетаи 4 × 100 метр дар ҳайати дастаи мунтахаби Ямайка - 36,84 с. аст.
Ӯ ягона варзишгарест, ки тавонист дар се олимпиада пай дар пай дар масофаҳои 100 ва 200 метр медали тилло ба даст орад. Ғолиби шумораи зиёди медалҳои тиллои олимпӣ дар таърихи варзиши Ямайка. Дар айни замон ӯ аз рӯи шумораи медалҳои тиллоӣ дар Бозиҳои олимпӣ дар байни варзишгарони варзиши сабук дар масофаи 100 метр ҷойи 2 ва дар масофаи 200 метр ҷойи 4 ишғол мекунад. Вай барои бо суръати баланди давиданаш бо лақаби “Нишони барқ” дар дунё машҳур аст.
Қиёмиддин МАҲМАДҶОНОВ, “ҶТ”
Усейн Сент Лео Болт. Ӯ соли 1986 дар шаҳри Трелауни Ямайка ба дунё омадааст. Соли 2001 ӯ аввалин медали варзиши сабукро ба даст овард. Дар чемпионати мактабҳои миёнаи Ямайка, дар давидан ба масофаи 200 метр бо натиҷаи 22.04 сония мақоми дуввумро касб кард. Ин аввалин қадами Усейн дар ин ҷода буд.
Сипас Усейн соли 2001 дар мусобиқаи байналмилалии “CARIFTA” тавонист, миёни наврасон зинаи ифтихориро касб кунад. Ӯ дар масофаи 200 метр бо натиҷаи 21.81 с ва 400 метр бо натиҷаи 48.28 с ду ҷои дуюмро ишғол кард. Пас аз се моҳ дар ҳайати дастаи мунтахаби Ямайка ба чемпионати ҷаҳонии наврасон ба Маҷористон рафт.
Аввалин рақобати бузургаш соли 2002 дар Бозиҳои 31-уми “CARIFTA” дар Нассау буд. Дар он ҷо варзишгар масофаҳои 200, 400 ва эстафетаи 4 × 400 метрро дар байни ҷавонони то 17-сола ғолиб омада, дар маросими супоридани беҳтарин ҷоизаи сол ба варзишгарони ҷаҳон аз рӯи “IAAF”, дар номинатсияи “Ситораи тулӯъ” беҳтарин ҳисобида шуд.
КАРЙЕРАИ КАСБӢ ВА АВВАЛИН РЕКОРДИ ҶАҲОНӢ
Ӯ соли 2004 дар Бозиҳои “CARIFTA” дар Девоншир масофаи 200 метрро тай кард. Ин натиҷа рекорди нави ҷаҳонӣ дар байни наврасон гардид. Усейн аз рекорди давандаи амрикоӣ Рой Мартин, ки соли 1985 муқаррар шуда буд, пеш гузашта, аввалин наврасе гардид, ки 200 метрро дар камтар аз 20 сония тай кард.
Дар оғози мавсими варзишии соли 2005 Усейн узви гурӯҳи омӯзишии Глен Миллс шуд. Аввалин коре, ки мураббии нави ӯ кард, ҷустуҷӯи сабабҳои ҷароҳатҳои сершумори давандаи навкор буд. Глен Миллс Усейнро барои муоина фиристод, табибон дар ӯ сколиоз (каҷравии сутунмӯҳра)-ро ташхис карданд ва муайян карданд, ки пои рости ӯ аз чапаш ним дюйм (тақрибан 1,3 см) кӯтоҳтар аст. Онҳо тавсия доданд, ки шояд аз варзиш даст кашад. Пас аз табобат Болт ба тамрин шурӯъ карда, 26 июн дар масофаи 200 метр бо натиҷаи 20.27 сония қаҳрамони Ямайка шуд. 30 июл ӯ бо натиҷаи 20.28 сония барандаи Спайши тиллоӣ гардид. Соли 2007 Болт қаҳрамони чемпионати Ямайка шуда, бо ҳисоби 19,75 ғолиб шуд. Ҳамин тариқ, вай рекорди миллии Дон Куарри 19.86 сонияро, ки аз соли 1971 инҷониб нигоҳ дошта мешуд, шикаст. Ин пирӯзӣ ба ӯ имкон дод, ки дар чемпионати ҷаҳон дар Осака ба ҳайати дастаи мунтахаб дохил шавад.
БОЗИҲОИ ОЛИМПӢ
Аввали моҳи август Усейн эълом дошт, ки дар Бозиҳои олимпии Пекин 2008 дар масофаҳои 100 ва 200 метр ширкат меварзад. Вай баромади худро дар Бозиҳои олимпӣ 15 август оғоз намуда, дар мусобиқаи интихобӣ ба масофаи 100 метр (10.20), даври чорякфиналӣ (9.92) ва нимфинал (9.85) ғолиб омад. 16 август дар сабқати ниҳоӣ аввалин медали тиллои олимпиро ба даст оварда, бо сабти нави рекорди ҷаҳонии 9,69 ғолиб шуд. 20 августи соли 2008 Болт дуввумин медали тиллои олимпиро ба даст оварда, дар масофаи 200 метр бо 19.30 ғолиб омада, аз рекорди ҷаҳонии Майкл Ҷонсон бо 0.02 сония пеш гузашт. 22 август Усейн сеюмин медали тиллои худро дар Олимпиадаи Пекин ба даст овард.
Оғози асосии мавсими соли 2009 чемпионати ҷаҳон дар Берлин буд. Дар ин чемпионат Усейн дар масофаҳои 100 ва 200 метр, инчунин дар эстафетаи 4×100 метр ҳунарнамоӣ кард. Дар давоми давидан ба масофаи 100 метр Усейн дар сабқати интихобӣ ғолиб омад. 16 август ӯ бо сабти нави ҷаҳонии 9.58 сония дар сабқати ниҳоӣ ғолиб шуд ва рекорди ҷаҳонии худро бо ин натиҷа гузошт, ки он то моҳи январи соли 2019 бетағйир боқӣ мондааст. Барои гузоштани рекорди ҷаҳонӣ ӯ ба маблағи 100,000 доллари иловагӣ гирифт. Ҳангоми давидан ӯ аввалан 60 метр масофаро дар 6.31 сония тай карда, рекорди ҷаҳонии Морис Гринро, ки бо натиҷаи 6,39 с буд, шикаст. 20 август дар финал ӯ рекорди ҷаҳонии худро дар давидан ба масофаи 200 метр такмил дода, бо натиҷаи 19.19 ғолиб шуд. Барои ин пирӯзӣ ӯ 160 000 доллар гирифт, ки аз он 60 000 доллар барои пирӯзӣ ва 100 000 доллар ҳамчун мукофот барои рекорди ҷаҳонӣ аз TDK. Рақобати охирини мавсим барои ӯ ниҳоии варзиши сабуки ҷаҳонӣ буд, ки дар сабқати давидан ба масофаи 200 метр бо сабти нави сабқати 19.68 пирӯз шуд. Дар натиҷа, ӯ соли 2009 дар ҳама мусобиқаҳое, ки дар он ӯ ҳунарнамоӣ мекард, пирӯз шуд. Дар охири сол, аз рӯи “IAAF” беҳтарин варзишгари ҷаҳон шинохта шуд.
23 майи соли 2010 дар Гран-прии тиллоии Шанхай бо натиҷаи 19.76с масофаи 200 метрро тай кард. Усейн аввалин шикасти худро дар ду соли охир гирифт. Вай дар давидан ба масофаи 100 метр бо натиҷаи 9,97 сония дар ҷои дуввум қарор гирифт ва аз Тайсон Гей, ки бо натиҷаи 9,84 сония пирӯз шуд, мағлуб гардид.
УСЕЙН БОЛТ - БЕҲТАРИН ВАРЗИШГАРИ СОЛ
Болт мавсими варзишии 2011-ро бо иштирок дар марҳилаи “Diamond League” дар Рум, “Samsung DL Golden Gala” оғоз кард. 31 май дар озмуни 50-уми Шиповкаи тиллоӣ дар Острава ширкат варзида, бо натиҷаи 9,91 бори дигар ғолиб омад. Ҳамин тариқ, мавсими варзишии соли 2012-ро бо иштирок дар марҳилаи хонагии “IAAF World Challenge - Jamaica International Invitational” оғоз кард. Дар ин мусобиқаҳо ӯ дар давидан ба масофаи 100 метр баромад кард, ки бо натиҷаи 9,82 ғолиб омад. 26 июл маълум шуд, ки Усейн дар маросими ифтитоҳи Бозиҳои олимпии 2012 дар Лондон байрақбардори дастаи Ямайка буд. 4 август ӯ фаъолияти худро дар олимпиада оғоз кард ва дар он рӯз дар дави пешакии 100 метр ғолиб шуд. Рӯзи дигар ӯ дар нимфинал пирӯз шуд - 9.87 сония. Пас аз се соат, ӯ қаҳрамони чаҳоркаратаи олимпӣ шуд ва дар сабқати ниҳоӣ бо сабти нави олимпии 9,63 пирӯз шуд. Вай пас аз Карл Люис, ки тавонист унвони қаҳрамони олимпиро дар давидан ба масофаи 100 метр дифоъ кунад, дар таърих дуввумин варзишгар гардид, ки бо дастёбии чунин натиҷа мушарраф гардад. 9 август ӯ медали тиллои дуюми худро дар ин Бозиҳои олимпӣ ба даст меорад. Вай инчунин дар таърих ягона нафаре гардид, ки тавонист дар ду олимпиада пай дар пай масофаи 200 метрро ғолиб ояд. Пас аз ин пирӯзӣ, вай дар як нишасти матбуотӣ бо намояндагони ВАО талаб кард, ки ӯро “афсонаи зинда” номанд.
Рақобати навбатӣ чемпионати Ямайка буд, ки дар натиҷа ҳайати дастаи мунтахаби чемпионати ҷаҳон дар Маскав ба анҷом расид. 21 июн Болт бо натиҷаи 9,94 дар чемпионати кишвар ба масофаи 100 метр ғолиб шуд. Дар натиҷа, дастаи Ямайка бо натиҷаи беҳтарини мавсим дар ҷаҳон пирӯз шуд ва барои худи Болт ҳаштумин медали тилло дар чемпионати ҷаҳонро ба даст гирифт.
Усейн Болт вазифаи асосии худро дар Бозиҳои олимпии Рио-де-Жанейро гузоштани рекорди нави ҷаҳонӣ дар масофаи 200 метр ҳисоб кард. Ӯ ҳамчунин изҳор дошта буд, ки ният дорад, пас аз анҷоми Бозиҳои олимпӣ ва чемпионати ҷаҳони соли 2017 корномаи варзишии худро ҷамъбаст мекунад.
23 август Усейн дар ёдбуди Камила Сколимовска дар Варшава ширкат варзид. Вай бо сабти нави рекорди ҷаҳонии 9,98 дар пойга дар масофаи 100 метр ғолиб шуд. Ҳамин тариқ, ӯ аз рекорди қаблии Фрэнки Фредерикс, ки дар соли 1996 муқаррар шуда буд, пеш гузашт. 24 август ӯ эълон кард, ки мавсими ҷориро ба охир мерасонад, то худро аз ҷароҳатҳои минбаъда муҳофизат кунад.
2 феврали соли 2017 маълум шуд, ки Усейн Болт пас аз Ҷоми ҷаҳонии 2017 карераи варзишии худро хотима доданист. 5 августи соли 2017 бо натиҷаи 9,95 ӯ дар мусобиқаи 16-уми ҷаҳонии варзиши сабук, ки дар Лондон баргузор шуд, дар давидан ба масофаи 100 метр севум шуд. 12 августи соли 2017 Болт дар марҳилаи охирини эстафетаи 4×100м захмӣ шуд ва бо ҳамин корномаи варзишии худро ҷамъбаст намуд.
Дар тӯли фаъолияти худ Болт 45 маротиба масофаи 100 метрро дар камтар аз 10 сония ва 31 маротиба дар мусобиқаҳои расмӣ масофаи 200 метрро дар камтар аз 20 сония давидааст.
Профессори биологияи Донишгоҳи Стэнфорд Марк Денни чунин мешуморад, ки ҳеҷ зарурате ба шарҳи суръати фавқулоддаи ӯ нест. “Усейн Болт бахти баланд дошт, табиат ба ӯ истеъдоди беназир ато кард”.
Имрӯз Усейн Болт дар корномаи варзишии худ ҳашт карат чемпиони Бозиҳои Олимпӣ ва 11 карат чемпиони ҷаҳонро сабт кардааст. Айни замон дорандаи рекордҳои ҷаҳонӣ дар давидан ба масофаи 100 - 9.58 с; ва 200 метр - 19.19 с, инчунин дар эстафетаи 4 × 100 метр дар ҳайати дастаи мунтахаби Ямайка - 36,84 с. аст.
Ӯ ягона варзишгарест, ки тавонист дар се олимпиада пай дар пай дар масофаҳои 100 ва 200 метр медали тилло ба даст орад. Ғолиби шумораи зиёди медалҳои тиллои олимпӣ дар таърихи варзиши Ямайка. Дар айни замон ӯ аз рӯи шумораи медалҳои тиллоӣ дар Бозиҳои олимпӣ дар байни варзишгарони варзиши сабук дар масофаи 100 метр ҷойи 2 ва дар масофаи 200 метр ҷойи 4 ишғол мекунад. Вай барои бо суръати баланди давиданаш бо лақаби “Нишони барқ” дар дунё машҳур аст.
Қиёмиддин МАҲМАДҶОНОВ, “ҶТ”
Хабарҳои дигар
Рӯзнома
Эзоҳи худро нависед