ВАРЗИШ
Душанбе 15 Апрел 2024 04:31
2961
Имрӯз, дар меҳмонхонаи “Ҳайат Реҷенси” бо ширкати сармураббиёни тимҳои мунтахаби Тоҷикистон ва Филиппин, нишасти матбуотии пеш аз бозии интихобии Ҷоми Осиё-2019 баргузор гардид.

Сармураббии тими мунтахаби Тоҷикистон оид ба футбол Ҳаким Фузайлов барои муҳайё намудани шароити тамрин ба роҳбарияти Федератсияи футболи Тоҷикистон миннатдорӣ намуда, афсӯс хӯрд, ки дар бозӣ бо Филиппин, сардори дастаи Тоҷикистон Нуриддин Давронов, Ҷаҳонгир Эргашев, Фарҳод Восиев бо сабаби ҷароҳат доштанашон иштирок карда наметавонанд. “Бо вуҷуди ин мо футболбозони дигарро даъват намудаем ва умедворем, ки фардо бозиро бо ғалаба анҷом медиҳем. Зеро ҳадафи ягонаи мо баромадан ба бозиҳои финалии Ҷоми Осиё-2019 мебошад”, - афзуд Ҳ. Фузайлов.

Сармураббии мунтахаби Тоҷикистон иброз дошт, ки тими Филиппин яке аз дастаҳои пурқувват ва садрнишини гурӯҳ мебошад. Томас Дули мутахассиси амрикоӣ дастаашро бисёр хуб омода намудааст ва барои ғолиб омадан моро мебояд бисёр ҷиддӣ рақобат намоем.

Томас Дули коршиноси 56-солаи амрикоӣ, ки аз соли 2014 ин ҷониб сармураббии тими мунтахаби Филиппин аст, дар бозии фардо имконияти бурди тими мунтахаби Тоҷикистонро бештар арзёбӣ намуд: “Бозии фардо барои мо хеле душвор мебошад, зеро мунтахаби Тоҷикистон дастаи боқувват аст, хатти ҳамла ва ҳимояи хуб дорад. Фардо барои ғолиб омадан имконияитҳо барои тими мунтахаби Тоҷикистнон бештар аст, зеро дар майдони худ рақобат мекунад”, - ёдовар шуд сармураббии дастаи меҳмон.

Филипп Ҷеймс Янгхазбанд сардори тими мунтахаби Филлипин ду футболбози тоҷик Парвизҷон Умарбоев ва Умедҷон Шариповро ҳамчун футболбозони калидии тими мунтахаби Тоҷикистон номид.

Ёдовар мешавем, ки шоми 13 июн вохӯрии даври дуюми марҳилаи интихобии Ҷоми Осиё-2019 дар гурӯҳи «F» байни дастаҳои футболи Тоҷикистон ва Филиппин, соати 21:00 дар Варзишгоҳи марказии шаҳри Душанбе баргузор мегардад.

Шаҳбози АСОМИДДИН, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.