Бо ташаббуси Раёсати кор бо ҷавонон ва варзиши вилояти Хатлон дар шаҳри Бохтар бо ҷалби волонтёрон аксияи навбати ба муносибати Рӯзи модар таҳти унвони “Дуруд модар” гузаронида шуд.

Волонтёрон дар доираи аксия ба аёдати бонувони касбу кори гуногун ва собиқадорони меҳнат рафта, бо ин ҷашн онҳоро самимона табрик намуданд.

Дар хиёбону кӯчаҳои шаҳр ба бонувону духтарон беш аз 1000 адад табрикномаҳо тақдим гардида, гуфта шуд, ки чунин иқдомҳо аҳамияти муҳими тарбиявӣ барои насли ҷавон дошта, минбаъд низ аз ҷониби волонтёрон дар арафаи иду ҷашнҳо баргузор карда мешаванд.