ВАРЗИШ
Душанбе 16 Сентябр 2019 11:18
1575
Рӯзҳои истироҳат бозиҳои даври понздаҳуми чемпионати мамлакат оид ба футбол миёни дастаҳои лигаи олӣ баргузор шуданд.

Дар бозии марказии давр “Ҳосилот” дар майдони худ тими КМВА “Помир”-ро шикаст дод – 2:1. Ҳисобро дар дақиқаи 40 бозингари дастаи мизбон Ҳасан Рустамов кушод. Қисми аввал бо ҳисоби 1:0 анҷом ёфт. Ду голи дигар дар қисми дуюм зада шуд. Давронҷон Тухтасунов дар дақиқаи 53 ҳисобро баробар кард. Голи ғолибиятро Ҳикматулло Расулов, бозингари “Ҳосилот” дар дақиқаи 80 аз пеналтӣ зад.

“Хуҷанд” дар майдони худ аз дастаи “Регар-ТаАЗ” бо ҳисоби 0:2 шикаст хурд. Голҳоро Бахтиёр Чориев дар дақиқаи 34 ва Санҷар Баротов дар дақиқаи 53 ба ҳадаф расонданд.

Дар бозии дигар дастаи “Барқчӣ” ба дарвозаи “Вахш” 4 голи беҷавоб зад. 3 тӯбро Амирҷон Сафаров, як тӯбро Нуриддин Ҳамроқулов вориди дарвозаи ҳариф карданд.

Ҳангома дар даври 15-ум дар бозӣ миёни дастаҳои “Равшан” – “Истиқлол” ба амал омад. “Равшан”, ки дар ҷадвали мусобиқа дар зинаи охир қарор дошт, бар тими “Истиқлол”, ки дар садри ҷадвал қарор дорад, бо ҳисоби 2:1 ғалаба кард. “Истиқлол” аз мавсими 2014 ягон бозиро набохта буд. Охирон бор соли 2013 аз тими “Хайр” мағлуб гашта буд. Ҳисобро дар дақиқаи 35 бозингари тими мизбон Зокир Абдулхайров аз пеналтӣ кушод. Дар дақиқаи 62 ба бозингари дастаи меҳмон Ҷаҳонгир Алиев даст дод, ки ҳисобро баробар кунад. Музаффар Назаров, бозингари “Равшан” дар дақиқаҳои иловагии вохурӣ голи дуюм ва ҳалкунандаро зад – 2:1.

Дар бозии охирони давр “Хайр” ба дарвозаи “Парвоз” 3 голи беҷавоб зад. Умед Азизов дар дақиқаи 5-ум ҳисобро кушод. Далер Шарифов дар дақиқаи 44 ва Муҳсин Парпиев дар дақиқаи 77 ду тӯби дигарро вориди дарвозаи ҳариф карданд.

Дар ҷадвали мусобиқа “Истиқлол”-и Душанбе бо 33 хол дар ҷои аввал аст. “Ҳосилот”-и Фархор, ки 5 хол камтар аз тими Душанбе дорад, дар ҷои дуюм қарор гирифтааст. Дар мақоми сеюм “Регар” бо 23 хол қарор дорад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.