Рӯзи 9 феврали соли 2019 дар толори бинои марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷаласаи солонаи комиссияҳои ҷамъиятӣ “Оид ба танзими анъана ва ҷашну маросим” ва “Масъулияти падару модар дар таълиму тарбияи фарзанд” дар Кумитаи кор бо ҷавонон ва варзиш баргузор гардид.

Ҷаласа бо иштироки муовини аввали раиси Кумитаи кор бо ҷавонон ва варзиш Назарзода Ризо, масъулини дастгоҳи марказӣ ва роҳбарону намояндагони тамоми зерсохторҳои кумита гузаронида шуд.

Дар ҷаласа котиби комиссияҳои ҷамъиятӣ “Оид ба танзими анъана ва ҷашну маросим” ва “Масъулияти падару модар дар таълиму тарбияи фарзанд” дар Кумитаи кор бо ҷавонон ва варзиш, муовини раиси комиссияҳои ҷамъиятӣ дар Донишкадаи тарбияи ҷисмонии Тоҷикистон ба номи С. Раҳимов, раиси комиссияҳои ҷамъиятии Коллеҷи тарбияи ҷисмонии Тоҷикистон ва раиси комиссияҳои ҷамъиятии Муассисаи давлатии “Маркази тайёрии олимпии дастаҳои мунтахаб” вобаста ба фаъолияти комиссияҳо дар соли 2018 гузориш доданд.

Ҳамчунин барои ҷоннок намудани комиссияҳои ҷамъиятӣ дар соли 2019 як қатор вазифаҳо, аз ҷумла ҷоннок намудани фаъолияти кори комиссияҳои ҷамъиятӣ дар ташкилотҳои системаи кумита ва зери назорати ҷиддӣ қарор додани онҳо аз ҷониби роҳбарияти ташкилотҳо, густариш бахшидани корҳо дар самти тарғибу ташвиқи қонунҳои миллӣ аз ҷониби дастгоҳи марказӣ ва сохторҳои маҳаллӣ дар байни хонандагони синфҳои болоӣ ва волидайни онҳо дар шаҳру ноҳияҳои ҷумҳурӣ, зери назорати ҷиддӣ қарор додани фаъолияти сохторҳои маҳаллии кумита дар ВМКБ, вилояти Суғд ва шаҳру ноҳияҳои тобеи марказ, инчунин ҷоннок намудани фаъолияти онҳо дар амалисозии иҷрои сифатноки қонунҳои миллӣ, ташкили корҳои фаҳмондадиҳӣ бо машқварзони муассисаҳои варзишӣ бо даъвати волидайни онҳо дар самти татбиқи қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, ба роҳ мондани ҳамкориҳои мутақобилан судманд бо вазорату идораҳо ва ташкилоту муассисаҳо дар самти омӯзиш ва мавриди иҷрои сифатнок қарор додани қонунҳои миллӣ дар фаъолияти комиссияҳои ҷамъитӣ, зери назорати ҷиддӣ қарор додани маъракаҳои хурсандӣ ва азодорӣ ва мутобиқ ба талаботҳои муайянгардидаи қонунҳои миллӣ гузаронидани он ва ғайраҳо пешбинӣ шуданд.