ВАРЗИШ
Якшанбе 27 Сентябр 2020 04:48
7324

Мавсими лигаи футболи бонувони Тоҷикистон дар соли 2020 ҷамъбаст гардид.

Ин бозии ҳалкунанда байни ду дастаи рақобатпазир тими бонувони "Хатлон"-и шаҳри Бохтар ва "Зебонисои" шаҳри Душанбе дар варзишгоҳи пахтакори марказии вилояти Хатлон сурат гирифт.

Қисмати аввали бозӣ баъди лаҳзаҳои зиёди рақобат бо ҳисоби як бар сифр ба фоидаи дастаи "Зебонисои"-и шахри Душанбе анҷом пазируфт, ки муаллифи голи аввал ҳамлагари даста Наташа Сотникова гардид.

Нимаи дуюми бозӣ пуршиддат оғоз ёфта, баъди талошҳои зиёди аъзоёни ҳарду даста бозингари тими меҳмонон Некубахт Худоёдодова тавонист бо ворид намудани як голи зебо ҳисоби бозиро ба фоидаи дастаи худ таъғйир диҳад.

Ба ҳамин тартиб дар қисматхои охири ин дидор бозингари дигари дастаи "Зебонисо" Нисо Абдуллоева бо партофти зебои ҳамдастааш имкон пайдо намуд, ки туби севвум ва ҳалкунандаро дар ин дидорбинӣ вориди дарвозаи тими мизбон намоянд.

Дар маросими ҷоизасупории дастаҳо намояндагони ФФТ, ФФХ ва дигар кормандони соҳа ширкат доштанд.

Бо натичагири аз баргузории бозиҳо дар мавсими имсола Сайёра Саидова ҳамчун дарвозабони беҳтарин аз дастаи "Зебонисои"-и шаҳри Душанбе, Лайло Ҳалимова нишонзани беҳтарин аз тими "Хатлон"-и шаҳри Бохтар ва Рафина Нормуродова ҳамчун бозингари беҳтарин аз дастаи "Бешкент"-и ноҳияи НосириХусрав дониста шуда, бо ҷом ва ифтихорномаҳо сарфароз гардонида шуданд.

Ҳамин тариқ футболбозони дастаи "Зебо"-и ноҳияи Дӯстӣ ҷои сеюм ва медали биринҷӣ, тими "Хатлон"-и шаҳри Бохтар сазовори ҷои дувум ва медали нуқра ва дастаи "Зебонисо"-и шаҳри Душанбе мақоми аввал ва соҳиби медали тилло, ҳамчунин ҷоми мусоибиқаро соҳиб гардиданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.